• #inlimba
• #Sardo
• #Imprentas

Sa nexi de sa destrossa de Gaza est de chini donat s’òrdini de bociri e de bombardai 

Unu ligidori de su giornali s’at scritu faendi-sì sciri de essi abarrau spantau chi in s’artìculu de cida passada in contu de Gaza no eus mai nominau su Guvernu israelianu e chini ddu cumandat. Eus contau su chi est acontessendi in cussa terra e de cantu genti est morrendi; eus arremonau de cantu pipius funt mortus o si funt ingortus po sa faina de is sordaus e de is bombas chi arruint comenti a stìddius de àcua; eus nau puru ca est una bregùngia sa voluntadi de nci bolli bogai totu cussa pòbera genti po pesai unu logu de spàssiu e de pàsiu po arricus.

Ma est berus chi a Bibi Netanyahu no dd’eus arremonau. S’arraxoni est po meda motivus. Unu est poita chi issu podit fai su chi est faendi ca ddoi at unu muntoni mannu de Guvernus e de fortzas chi si-ddu permitit. Sa nexi dereta est sa sua e de su Guvernu suu, ma ita funt faendi is àteras Natzionis biendi totu cussu dannu?

Finas s’Onu ita podit fai o ita fait po fai acabai custu machìmini de violèntzia e de barrosia sena de umanidadi e de coru? Sa segunda est poita giai s’incràs de su seti de ladàmini de su duamilabintitrès su diretori nostu, Mauru Dessì, iat scritu chi no parit possibili chi una faina comenti a cussa fata de Hamas no fiat giai connota de su Mossad, chi est su Servìtziu segretu israelianu, nodiu po essi su mellus de su mundu. E a cussa duda iat arrespustu su Servìtziu segretu americanu, sa Cia, faendi sciri chi iant avèrtiu Israeli de su chi fiat cuncordendi Hamas.

Duncas, poita su Guvernu de Israeli at lassau fai? No iat cumprèndiu chi fiat possìbili una cosa diaici? Comenti mai is militaris a ingìriu de is Kibbutz fiant prus pagus de sèmpiri? Comenti mai, chi ddoi fiat cussu allarmi, ant lassau fai cussa festa de mùsica a unu tallu mannu de giòvanus e piciocheddus?

In prus, sigomenti fiant stètius avertius, comenti mai s’Amèrica no est interbènnia luegus po ddu nai e firmai sa manu de custu maladitu de Netanyahu e, invècias, dd’at lassau fai? Sa timoria manna est chi s’imperint is fueddus contras a su Guvernu de Israeli po fueddai mali de is ebreus.

Seus biendi, mancai si ddu lassint mesu cuau, chi medas ebreus de Israeli e de totu su mundu funt contras a cussu Guvernu e a su cumandanti Bibi Netanyahu. Duncas, seus cumbintus chi tocat a si fai intendi e a ponni pregontas deretas po sciri e chini funt is chi guadàngiant de cussa gherra, de cussa destrossa, de cussa faina sena de umanidadi peruna.

Paba Franciscu e Paba Lioni no ant tìmmiu a nai a craru chi tocat a si firmai de cussa disamistadi. No si podit ghetai morti po studai morti.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...