Sa Bibbia frorigiada

• #inlimba
• #Sardo
• #BibbiaFrorigiada

Mellus a essi fortis opuru abistus?

Candu su babbu est po unu fillu e sa mamma po s’àteru, in d-una famìllia tocat a s’aprontai a totu! Pruschetotu, candu s’òmini no fueddat meda cun sa pobidda e donniunu fait a contu suu. Isacu – narat sa Genesi (25,28) – faiat is partis a su prus mannu, s’arrùbiu, mentras Rebeca a su prus piticu, su fraitzu. 

E no est mancu sa prima borta in cussu libru de sa Bìbbia. Giai Eva dd’iat fatu stimendi meda a Cainu e lassendi a un’ala a Abele. Abramu e Sara si fiant agataus de acòrdiu cun Ismaele e iant tèntu scòrriu candu Isacu fiat crèsciu e su prus mannu pariat prus forti de su piticu. Giacobbe puru at a fai su pròpiu, preferendi a una pobidda intra de is duas e a is fillus de custa – Giusepi e Beniaminu – in pasa de is fradis. Is preferèntzias faint pigai sceberus chi, bortas meda, ghiant a fainas de disamistadi o de cunflitu.

E in su contu de s’arrùbiu e s’imbusteri, de cussas preferèntzias est nàscia sa rivalidadi e su disìgiu de essi unu prus de s’àteru. Su babbu, bèciu e a ogus studaus, circat de giai parti a cussu mannu, chi si-ndi fiat fatu furai sa metadi sua de su beni. Duncas, ddu mandat a tzerriai e ddi narat de bessiri a cassa. Isacu narat chi bolit papai petza bona e a pustis ddu benedixit comenti est giustu. A Esaù, chi at bèndiu su beni suu po papai, dd’ant a collionai ancoras po su papai: ingunis po su sghinzu suu, innoi po cussu de su babbu.

Chini ligit – ca, in sa Bìbbia, est prus de importu de chini scriit –  si nd’acatat chi su contu serbit a issu etotu: depit imparai a no si-ndi lassai papai de calincuna bibirria chi no ddi lassat libertadi. Parit chi Isacu boliàt arrangiai is cosas po sa parti de cussu mesu innotzenti de Esaù. Ma – comenti si narat – su diàulu fait is schiscioneras, ma no is cobercus. Duncas, cussu chi Isacu narat a sa cua a Esaù dd’intendit Rebeca chi fiat orbetendi a palas de sa tenda. Connoscendi a su pobiddu, iat, forsis, fragau ca fiat arribat s’ora de ddu benedixi.

Ma po sa mamma cussu fillu est tropu segau a grussu, tropu pagu a prumu po essi su capu de sa famìllia e, apustis, de su pòpulu. Rebeca non abarrat liris-liris e tzerriat a su fillu stimau: Piga un’angioni, ca ti ddu coxinu deu. Tui cuncorda unu bestiri de lana de angioni, ca po una scuta depis essi fradi tuu.

Tocàt a fai lestrus, poita Esaù fiat bonu in sa cassa e podiat torrai in pressi. Cussu pariat imbitzau a fai totu de pressi, chene pensai. Po cussu no podiat essi su babbu de unu pòpulu nou. No bastat a essi fortis e atrivius; mellus a essi puru abistus comenti a margianis.

MAC

E' sempre tempo per abbonarsi a L'ARBORENSE

Approfitta delle nostre promozioni.

 CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Fainas de antigòriu (parte 21)

Load More...