Sa Bibbia frorigiada

• #inlimba
• #Sardo
• #BibbiaFrorigiada

Gei ddu pagat su tzieddu

Apustis de cussu mesi in domu de su tziu, Giacobe depiat incumentzai a traballai e fai calincuna cosa po torrai gràtzias de s’acasàgiu e de s’amistadi de cussu parenti. Duncas su tziu, fraitzu bellu, cun boxi crara e sena de fùrrius e furritus, ddi narat: Gei no as a depi traballai in domu mia sena de ndi otenni nudda. Candu mai! Duncas, nara-mì ita bolis e ndi chistionaus.

Cussu sciiat chi, candu unu est stràngiu in domu allena, non podit essi obrigau a fainas grais e, chi est mesu mandroni, podit papai e bufai sena de fai nudda. Po cussu ddi narat cussa cosa: chi depiat abarrai, tocàt a fai cuntratu. E Giacobe sciiat ita boliat. In cussu mesi iat connotu a su tziu, a sa pobidda e a is fillus e fillas suas.

Rachele fiat bella de faci, faiat praxeri a dda castiai e teniat naturali forti. Sa sorri, mancai fessit prus manna, teniat ogus de pisci alluau e giai cussu abbastàt po no dda disigiai nudda nudda. (Is tradusiduras antigas de sa Bìbbia ant imperau fueddus e maneras diferentis po nai custa cosa. Sa tradusidura in grecu at scritu ca teniat ogus dèbilis, forsis po fai a cumprendi su caràteri etotu. Àcuila e Sìmacu ant tradùsiu cun ogus moddis e durcis. Girolamu, cun su latinu, narat ca portàt tziddica me in is ogus. Donniunu dda fùrriat a contu suu, ma totus narant ca no fiat de disigiai).

Scurixedda cussa filla manna, chi a nòmini teniat Lia, chi bolit nai baca. Su nòmini narat ca podit tenni fillus e ca podit essi mamma; s’àtera prus pitica parit una brebeixedda, ca forsis no tenit sa fortza de tenni fillus. Ma Giacobe dda stimàt de su primu momentu chi dd’iat bia e dda boliat comenti a pobidda.

Apu a traballai seti annus po cojai a sa filla tua chi stimu. E su tziu: Andat beni. Gei mi parit deretu a dda giai a tui chi no a unu stràngiu. E totu custu mancai fessit scritu ca nemus depiat traballai po un’àteru òmini prus de sesi annus (Dt 15,12). Chi Giacobe at pensau de collionai a su tziu, at apicau is crais in logu malu. Est berus chi crobu cun crobu non si ndi bogat s’ogu, ma innoi su crobu mannu tenit bicu chi spìtzulat. E dd’assegurat: Abarra cun megus e traballa su tempus giustu! E a cussu giovuneddu ddi parint pagus diis cussus seti annus: gei fiat pitica sa stima po cussa piciochedda.

Pariat ca iat pèrdiu su sentidu po cussa piciochedda. Passaus cussus seti annus, Giacobe no capit prus in pannus e a su tziu ddi narat: Gei mi parit ora de otenni sa paga cosa mia. Giai-mì sa sposa mia, ca mi bollu cojai a lestru. Su traballu est fatu e bolit pagau. E su tziu: Tenis arraxoni, gei ti pagu deu!

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Fainas de antigòriu (parte 21)

Load More...