Sa Bibbia frorigiada

• #inlimba
• #Sardo
• #BibbiaFrorigiada

Est comenti a crabu aresti

Comenti potzu bessiri piludu che a cussu crabu aresti de fradi miu? Deu, in faci sua, seu comenti a un angioneddu nàsciu de pagus oras! E chi babbu m’aprapuddat is bratzus o sa schina? prenguntat su fraitzu a sa mamma. E, cun sfinitzu ancora prus mannu, ddi narat: Chi babbu si nd’acatat ca ddu seu collionendi, m’at a frastimai in deretura!

E sa mamma, chistionendi abellu, comenti a cussa genti chi sciri su fatu suu e no tenit dudas in cussu chi fait, dd’arrespundit: Tui abarra chietu! Chi ti frastimat, at a setzi a mimmi, ma chi ti benedixit at arrui totu asusu tuu. Imoi, sighi cussu chi t’apu nau e beti-mì is angionis o crabitus, ca faeus sa brulla a cussu innotzenti de fradi tuu.

Giacobbe intrat in su corratzu, sceberat duus crabitus e ddus bocit in pressi. Ddus scroxat ambaduus e nci portat sa petza a sa mamma, chi dda ponit in su fogu e dda coxinat a sa manera chi praxit de prus a Isacu. In s’interis, pigat sa peddi de cussus crabitus, dda limpiat comenti si spetat e dda ponit asusu de bratzus e tzugu de su fillu, bistendi-ddu puru cun sa bistimenta prus bella chi teniat in su catanau de su fradi mannu. Nosu no ddu podeus intendi, ma su fragu fiat pròpiu de bestiàmini e no de bistimenta de binticuatru! A chini dd’acostàt a ogus serraus, su fragu fiat massimamenti de Esaù.

Duncas, sa mamma ddi ponit me in is manus su pratu praneri cun sa pitàntzia bella e su pani fatu de issa etotu. Totu est prontu po cussa tramperia! Giacobbe, càstiat a sa mamma e intrat a sa tenda, saludendi a su babbu: Saludi, babbu! E cuddu chi fiat tzurpu, ma intendiat s’erba crescendi, ddi narat: Saludi a tui. E chini ses, fillu miu?

E cuddu, agiumai ingullendi su spudu po sa timoria, pispisat: Seu Esaù, fillu tu, su mannu! Apu fatu su chi m’as cumandau pagora. Pesa-ti-ndi, tasta sa petza chi apu fatu e giai-mì sa beneditzioni. Ma su babbu, intrau in dudas, ddi preguntat: Ma comenti as fatu a dd’agatai aici a lestru, fillu miu de su coru? E cuddu, a faci manna, ddi narat: Deus etotu mi dd’at posta anantis. Isacu no si-ndi capiat de cussa faina e ddi narat: Acosta-tì a innoi.

Seu disigendi de ti tocai is bratzus po cumprendi chi ses diaderus Esaù, fillu miu, o no. Giacobbe s’acostat – forsis timendi chi su babbu si podiat fragai sa tramperia – e si fait tocai de Isacu. Cuddu ddi passat sa manu me in is bratzus, in su tzugu, in sa faci e ddi narat: Càstia fillu miu, giai giai no ddu potzu crei ca ses tui. Sa boxi est comenti a cussa de Giacobbe, ma tzertu is bratzus e su tzugu funt de Esaù.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Fainas de antigòriu (parte 21)

Load More...