• #inlimba
• #Sardo
• #Imprentas

Salude. Un’addòbiu de espertos in Aristanis

Chenàbura 16 de maju, in Aristanis ddoe ant fatu un’addòbiu bellu in contu de sa preventzione e cura de s’osteoporosi, una maladia chi interessat a manera particulare a is fèminas e chi podet tènnere cunsighèntzias graes, invalidantes, si no est diagnosticada e curada in tempus.

S’addòbiu dd’at cuncordadu s’ASMAR (Assòtziu Maladias Reumatològicas) a manos de pare cun s’ADICONSUM e faghet parte de unu programma de fainas prus mannu, cun screening gratis, addòbios de informu pro favorèssere su istare bene psicu-fìsicu, fainas de movimentu adatas a chie sufrit de maladias reumatològicas.

A prus de Ivo Picciau, presidente de ASMAR, e de Giorgio Vargiu, presidente de ADICONSUM, is espertas Riccarda Pala (reumatòloga), Elisa Scheich (fisioterapista) e Valentina Urpi (nutritzionista) ant faeddadu de is avesos de vida sanos, de s’alimentatzione e de s’atividade fìsica, totu cosas de importu pro favorèssere sa salude de is ossos e de is annuadòrgios. Ma is interessados ant pòdidu fintzas fàghere una MOC calcaneare gratis (prus de 100 nd’ant fatu!), un’esàmene lestru e no infadosu pro averiguare sa carchesa de is ossos.

S’osteoporosi, difatis, est una cunditzione in ue sa carchesa minerale de is ossos ismènguat, faghende-ddos prus dèbiles e tzacadinos. Est una maladia farsa, traitora, chi essit a pìgiu cando si segat carchi ossu, su prus de is bortas una vèrtebra, s’ossu de s’anca, s’ossu de su burtzu o cussu de su burtzu de su pee.

In Itàlia, s’osteoporosi interessat a unos 5 milliones de persones e, de custas, s’80% sunt fèminas chi ant propassadu is 55 annos. Sa MOC est unu paru de radiografia chi mesurat sa carchesa minerale de is ossos e chi permitet, in is persones chi sunt in arriscu, de prevènnere is cunsighèntzias malas de sa maladia sighende una dieta rica de càlciu e de vitamina D, faghende esertzìtzios pro afortigare is ossos e, si serbit, pighende meighinas.

Pro àteros informos in contu de custa maladia e pro consìgios pro dda prevènnere faghet a bisitare sa pàgina www.reumaonline.it o a iscrìere a s’indiritzu Questo indirizzo email è protetto dagli spambots. È necessario abilitare JavaScript per vederlo..

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...