• #inlimba
• #Sardo
• #Imprentas

Oratzionis e pregadorias. Su giornali nostu s’oferit unu donu mannu dònnia cida

Giai de annus su giornali de sa diòtzesi nosta s’oferit una faina chi no biu in giornali perunu: is oratzionis po is pregadorias a acabbu de sa liturgia de su Fueddu in sa missa. Dònnia cida calincunu ligit is leturas, pregat, pensat e si donat cussa bellesa de oratzionis. E s’arribant a nosu stasonadas de una cida sceti. Ma sigomenti, su prus de is bortas, po comenti seus, bantaus prus a su chi arribat de foras chi no cussus chi nascint acanta, imperaus ancoras in sa missa oratzionis chi funt scritas me in is billetus continentalis mesis e mesis innantis.

Tocat a ddu nai: is oratzionis depint essi scritas po sa vida de cussa comunidadi, po is pensamentus de sa genti chi est ingunis in crèsia, po essi cun coru e menti in sa Crèsia mundiali, ma sena de si-ndi scaresci innui seus. Sa Redatzioni dònnia cida circat cussas pregadorias e ddas ligit e, chi calincuna cosa no est giusta, ddas curregit; e nosu?

Sigheus a ligi is oratzionis chi arribant de Assisi, de Alba, de continenti? Ma no iat a essi bellu, invècias, a pigai cussas chi s’agatant innoi a pàgina ses e a ddas pregai, ca funt is nostas e nascint de nosu? In prus, cali funt is catechistas e catechistus chi si faint agiudai de su chi scriint is personis chi dònnia cida passant oras po scriri fueddus in contu de su Vangelu o in contu de sa liturgia? Mancai cussas personis etotu si chèsciant chi is piciocheddus no aprètziant su traballu insoru po sa dotrina… Fai a is àterus su chi bolis chi siat fatu a tui etotu! Mi parit de arregordai.

Chi ddoi ponis tempus meda po pesai s’ora de dotrina, as a cumprendi puru cantu tempus ddoi bolit po scriri cussas arrigas e cussas oratzionis, duncas impera-ddas cun is piciocheddus tuus. E chi su predi tuu non ddas bolit imperai in sa missa, impera-ddas tui a sola o cun sa genti chi connoscis.

Su giornali nostu fait cosas bellas meda, chi tocat a avalorai po su traballu mannu chi ddoi est e po sa calidadi de su traballu etotu. Apu a nai, sena de timi a genti contras: chi cussa faina de is oratzionis potzat assumancus agiudai dònnia parròchia a ndi scriri àteras noas. Est una prenda chi tocat a imperai, sena de timi e sena de dudas.

Is chi ddas scriint funt genti de calidadi e sceberada e chini ddas ligit e curregit tenit valori. Duncas, bastat a tirai una fotografia o a fai sa fotocòpia o a betiri su follu de su giornali a s’amboni e a ligi. Iat a essi finas una bella testimonia de stima po su giornali nostu, ca scriit dònnia cida cosas de importu e chi serbint a sa Crèsia e a totu is ligidoris e ligidoras. Tocat sceti a tenni atrivimentu.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...