• #inlimba
• #Sardo
• #Imprentas

Traballu. Iscola e impresas si ponent paris

 Job skill, est a nàrrere abilesa in su traballu, cumpetèntzias professionales. Su Sistema pro s’Orientamentu in Sardigna de is ITS (Istitutos Tecnològicos Superiores), paris cun sa Regione Sarda e sa Provìntzia de Aristanis, ant cuncordadu un addòbiu intituladu Is ITS de sa Sardigna e is siendas: criare cumpetèntzias professionales e oportunidades de isvilupu sotziale e econòmicu.

Sa faina dd’ant fata in s’àula manna de s’Istitutu Lorenzo Mossa de Aristanis. A pustis de sa bìsita a is paradas de s’ITS Academy e a is laboratòrios didàticos, ant faeddadu s’amministradore istraordinàriu de sa Provìntzia, Battistino Ghisu, e su sìndigu de Aristanis, Massimiliano Sanna, sighidos dae is interventos de Ottavio Sanna, Maurizio Chiappa, Ilaria Portas, Gabriella Longu, Fabrizio Floris, Giulia Mastrolilli, Cesello Putzu, Vanessa Dametto, Alessio Cabizzosu, Francesco Daga.

Su mundu de sa formatzione de is traballadores de cras cun su mundu de is impresas, pro cumprèndere mègius is bisòngios de su mercadu de su traballu e pro fàghere crèschere is oportunidades de traballu pro is giòvanos. Est un’addòbiu de importu chi ponet paris una pariga intra de is mègius siendas de su territòriu nostru e is giòvanos, pro chi s’ispetzializent in is setores in ue su mercadu tenet bisòngiu de figuras cualificadas, at naradu Battistino Ghisu.

Si penset a is oportunidades de isvilupu chi oferint is setores de s’agroalimentare, de s’energia, de sa mobilidade sustenìbile, de su turismu e de is tecnologias digitales. Angela Rita Carrusci, funtzionària regionale, at naradu chi sa faina de is ITS est una risposta a su sitema produsidore chi domandat figuras professionales prontas a intrare in deretura a su mundu de su traballu. Is ITS sunt su protòtipu de s’intreveradura intra de s’iscola e su traballu, siat pro ite ca su prus de is maistros arribant dae su mundu de is impresas, siat pro ite ca una parte de sa formatzione si faghet in intro de is impresas etotu. E agiomai totus is istudiantes chi si diplomant in is ITS, a intro de un’annu intrant a traballare in su sistema produsidore sardu.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...