• #inlimba
• #Sardo
• #Imprentas
• #AntoniNàtziuGarau

Sa Sardigna candidada pro acasagiare sa faina

Su progetu de su Einstein Telescope faeddat in sardu puru. Dae su mese de trìulas, gràtzias a un’acòrdiu intra de sa Regione Sardigna e s’INFS (s’Istitutu Natzionale de Fìsica Nucleare), is pàginas prus de importu de su giassu web de Einstein Telescope Itàlia si podent lèghere in sardu puru. Sa bortadura dd’at contivigiada s’Isportellu linguìsticu regionale, cun sa consulèntzia iscientìfica de s’INFS. Su sardu si agiunghet aici a is àteras chimbe limbas europeas giai presentes in sa pàgina web (italianu, inglesu, frantzesu, ispagnolu e tedescu) dedicada a su promovimentu de sa candidadura de sa mina de Sos enatos, in sartu de Lùvula, pro acasagiare s’osservatòriu de undas gravitatzionales.

Si ddoe agatant fungudamentos in contu de argumentos particulares, comente a s’iscièntzia de is undas gravitatzionales e is iscenàrios de iscoberta chi diat pòdere abèrrere s’esperimentu de su Einstein Telescope, ma si ddoe chistionat fintzas de sa candidadura sardu-italiana pro acasagiare custa infrastrutura de istùdiu iscientìficu de livellu artu, de comente est nàschida, de is rastros in sa carrera econòmica, sotziale e culturale chi diat pòdere lassare custa faina, si s’idea andat a in antis.

Su determinu de furriare in sardu is pàginas de su progetu E.T., narat sa presidente de sa Regione, Alessandra Todde, a un’ala favoresset s’avaloramentu e s’isparghidura de sa limba nostra foras de is làcanas sardas e italianas, a s’àtera mustrat chi custa candidadura non pertocat isceti chistiones iscientìficas, ma fintzas chistiones sotziales e culturales de sa terra nostra.

E, comente at naradu Alessandro Cardini, diretore de sa setzione de Casteddu de s’INFN, torrende gràtzias a Regione, custu esperimentu linguìsticu mustrat chi fintzas in sardu si podent espressare cuntzetos iscientìficos. S’ispera est chi pro su sardu puru nascat un’istitutu de normatzione e validatzione terminològica, comente a su chi tenent àteras limbas regionales comente a sa nostra.

S’intrada a su giassu web de Einstein Telescope Itàlia s’agatat in s’indiritzu www.einstein-telescope.it

Antoni Nàtziu Garau

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...