Sa Bibbia frorigiada

• #inlimba
• #Sardo
• #BibbiaFrorigiada
• #Imprese

Biendi a su fradi, ddi pigat a prangi

In Gn 43,15, candu sa Bìbbia contat de sa torrada a Egitu de is fillus de Giacobi, ddus tzerriat òminis e no fradis o fillus. E no ddu fait una borta sceti, ma dd’arrepitit una pariga de bortas. Duncas, custus òminis pigant de su babbu is arregalus po cussu meri egitzianu e si ponint in caminu po comporai su beni po bivi impari a su fradixeddu, Beniaminu.

Candu Giusepi iat biu a Beniminu cun cuddus fradis, narat a su tzeracu mannu de fai intrai a cussus òminis a domu sua, de bociri totu su chi serbiat po fai unu bellu pràngiu e de cuncordai totu po papai impari a mesudii. E su tzeracu iat fatu totu cussu chi dd’iat cumandau su meri. A s’ora chi cussu tzeracu ddus iat fatu intrai a domu de su meri, cuddus si-ndi fiat assicaus e iant tìmiu de essi betius a domu de su meri, po su chi fiat acontèssiu in su biàgiu de torrada cun su dinai: Si bolit fai a tzeracus cosa sua, comenti a vengàntzia po su busìllibu de su dinai.

Insaras, s’acostant a su tzeracu mannu e dii narant: Seus giai benius un’àtera borta a comporai cosa de papai. Candu si seus firmaus poita fiat scurigau, eus abertu is sacus e eus biu ca su dinai chi iaus donau po s’acuistu, fiat in is sacus. Eus cumprèndiu de sa faddina e dd’eus torrau a betiri po ddu torrai a bosu. Nosu no seus filibustieris. No scieus chini at fatu custa faina, ma nosu dd’eus torrau.

E cuddu tzeracu mannu: Abarrai sulenus! E no si pigheas axiori. Est su Deus de bosàterus e su Deus de is ajajus chi teneis chi s’at postu me in is sacus cussa prenda. Deu seu testimòngiu chi eis pagau, poita dd’iu arriciu deu cussu dinai. Duncas, no timeas e abarrai chietus ca no ddoi est perìgulu perunu.

E luegus iat fatu intrai a Simeoni, chi fiat presoneri ingunis. Intraus a domu de Giusepi, dd’iant abetau e iant apariciau s’arregalu po su meri finas a candu, a ora de mesudii, no fiat imbàtiu a domu. Si fiant incrubaus e dd’iant saludau cun devotzioni manna (forsis ancora pigaus de timoria).

E Giusepi: Su babbu de bosàterus comenti stait? Ancoras biu est? E cuddus: Eja, stait beni babbu nostu, ca est finas su tzeracu cosa tua e si torrant a ingenugai e ddu saludant comenti a unu deus.

Castiendi-ddus biit a fradi suu, fillu de sa pròpia mamma Rachele, e ddi pigat su prantu in coru. Ma innantis de bessiri, po no si fai biri de cuddus, ddis pregontat: Custu est su fradixeddu de bosàterus chi m’eis nau s’àtera borta? Ma no lassat a cuddus su tempus de arrespundi, bessit a prangi e apustis torrat e cumandat: Ghetai a papai a totus. Papant totus impari o seberaus?

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...