Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Sa stòria tenit fortza po sa vida

In su tempus de abbundàntzia a Giusepi, chi su faraoni dd’iat postu Sofnat-Paneach (su chi sciit sa cosa cuada) comenti a nòmini egitzianu, ddi fiat tocau a curri po arribai a dònnia logu po arregolli su chi fiat in prus po su tempus de fàmini. No depit essi stètiu unu giogu a cumbinci a totus chi fiat su cumandu de su faraoni. Oi bastat unu comunicau in sa talevisioni o in su telegiornali de calincunu presidenti e scieus luegus su chi depeus fai.

In prus, cun is telefoneddus, teneus sa possibilidadi de arriciri in su minutu etotu su chi si benit scritu e mandau. Duncas, scieus beni is detèrminas de su Guvernu e su chi chi sa lei si òbrigat a fai in totu su territòriu natzionali. In su tempus antigu – e no tocat mancu a torrai asegus de tropus sèculus – no fiat sa pròpiu cosa de oi. No ddoi fiant maneras de fai sciri sa detèrmina de su rei o de chini cumandàt, si no imbiendi a calincunu a ddu nai in dònnia bidda e in dònnia logu.

Chi si pigàt su smeru de ddu fai fiat su bandidori, chi in dònnia bidda e in dònnia tzitadi depiat ghetai su bandu e fai sciri a totus sa lei. In sa Bìbbia (Gen 41,46) si narat chi est pròpiu Giusepi a fai a cumandanti e a bandidori, a arregolli su beni chi si depiat chistiri e a fai scriri sa lei de su faraoni.

Duncas, su chi fait est de importu mannu e serbit po totu s’Egitu e a is pòpulus chi bivint acanta. In cussu tempus de abbundàntzia de sa terra po tutus, finas Giusepi e pobidda sua, Asenat, podint provai s’arrichesa de sa vida: difatis, iant tentu duus fillus. A su prus mannu dd’iant postu Manasse comenti a nòmini, chi tenit s’arraxini in su verbu chi fueddat de scarescidura; duncas, dd’iant postu Manasse poita Deus dd’iat fatu scaresci totu su mali e su dolori chi iat provau in domu de su babbu.

E a su segundu dd’iant postu Èfraim, poita Deus dd’iat fatu essi prenu in custa terra innui dd’iat fatu arribai. Comenti a sèmpiri, is nòminis in sa Bìbbia tenint unu significu mannu, comenti a cussus de is fillus de Giusepi. In prus, pròpiu custu duus fillus de Giusepi ant a essi diaici de importu po totu sa stòria de su pòpulu e pruschetotu amostant comenti sa stòria s’arrepitit e sa preferèntzia asusu de is fillus siat cosa de stesiai.

Difatis, Giusepi puru s’at a amostai chi no iat cumprèndiu su chi sa vida etotu dd’iat imparau. Circa-circa, unu agatat sa crapita po su pei! E su momentu at a arribai a s’acabu de su contu, candu at a pediri a su babbu de benedixi a is nebodis e issu at a sceberai a sa manera sua.

MAC (sighit)

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...