Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Bai e fida-tì de is cumpàngius 

Su meri, Potifarru, gei si-ndi fut scarèsciu in pressi de su tzeracu suu. A Giusepi nci-dd’iant ghetau a galera e ddoi fiat abarrau unu bellu trincu de tempus. Ma ingunis puru, in presoni, Giusepi fiat stimau de su cumandanti. Comenti ddi fiat giai acontèssiu cun Potifarru, custu puru ddi ponit totu in is manus e ddi fait fai su chi ddi praxit.

Totu is presoneris fiant cumandaus de Giusepi e cussu pigat determinas comenti e chi fessit su meri issu etotu. In dònnia logu chi intràt custu piciocheddu, dd’acabàt po essi stimau e po pigai issu su rolu de meri. Una dii su chi ghetàt su binu a su faraoni e su chi ddi faiat su pani ant tentu una nexi e nci-ddus iat ghetaus a presoni (Gen 40,1).

Bella est sa brulla: cun su faraoni no faiat a faddiri tropu, poita teniat poderi mannu e no si poniat pensamentu a impresonai o a bociri. Duncas cussus duus puru intrant a su presoni innui ddoi fiat comenti a meri Giusepi. E custu cumentzat a ddus atendi e a ddis fai agatai su chi fiat de bisòngiu. Imoi, una noti totus e is duus faint unu bisu, ma a su mangianu no podiant cumprendi su signìficu de su bisu. Giusepi, intèndiu de is bisus, cumentzat a ddus pregontai: E poita seis grogus che sa cera? E ita teneis oi de pensamentu?

E unu de cussus ddi narat: Eus fatu unu bisu malu e no ddu cumprendeus. E Giusepi: Deus sceti podit spoddiai su chi bolit nai. Narai-ddu a mei e bieus. Su chi pensàt a su binu de su faraoni ddi narat: Fui a innantis de un’aidi, innui ddoi fiant tres carriadòrgias. Cussas tzeurras ant fatu una pariga de tronis bellus de axina e deu apu pigau is pibionis e ddus apus strecaus e est bessiu binu chi apu donau a su faraoni. E Giusepi: Is tres carriadòrgias funt tres diis, apustis de cussas as a torrai a serbiri su binu a su faraoni.

E a lestru su panateri ddi narat: In su bisu teniu tres carrigus de pani asusu de sa conca. Si funt pesaus pillonis de dònnia arratza e mi-nd’ant papau totu su chi ddoi fiat me in is carrigus. E Giusepi: A tui puru su faraoni t’at a mandai a tzerriai intra de tres diis, ma a tui no t’at a torrai a poni in s’arrolu cosa tua.

E comenti iat nau Giusepi, passadas tres diis, su faraoni mandat a tzerriai a cussus duus e a unu ddu torrat a su logu suu e s’àteru ddu fait bociri. Duncas, Giusepi iat intzertau su chi boliant nai is bisus. E Giusepi teniat sa spera chi cussu chi fiat torrau a s’arrolu suu no si-ndi scarescessit de issu; e invècias, bessiu de presoni, si-ndi fiat scarèsciu de su bisu, de su significu e de Giusepi etotu. Bellu amigu! E Deus ita at a fai?

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...