Sa Bibbia frorigiada

• #inlimba
• #Sardo
• #BibbiaFrorigiada

Rachele nd’at furau is ìdolus de Làbano

Giacobbe si-ndi fiat pesau in chitzi mannu, iat pigau a is fillus e a is pobiddas e ddus iat carriaus asusu de is cammellus, mancai fessit tempus ancoras de cuaddus o de burricus po movi sa genti e su beni (difatis s’archeologia s’at nau chi sceti sèculus a pustis is cammellus ddus ant imperaus po cussa faina, ma chini scriit, seculus agoa de cussu chi est contau, no ddu sciit o non ndi-dd’importat).

Iat pigau totu cussu chi s’iat comporau cun su traballu suu in domu de su tziu e fiat mòviu po torrai a sa terra de su babbu, in Paddan-Aram, in su logu bellu chi Deus iat promìtiu a su babbu e a s’ajaju, in antis de issu. Chena de sciri su chi Giacobbe teniat in coru e cussu chi is fillas iant nau a su pobiddu insoru, Làbano si-nci fiat andau a tundi is pegus de issu in logu atesu.

Rachele, sa filla pitica, ca fiat ancora stimada de su pobiddu prus de is ogus suus etotu, fiat intrada a calincunu aposentu a parti e iat forrogau e nd’iat furau is ìdolus de su babbu. Donniunu in cussu tempus teniat calincuna statuedda o calincunu arrogu de linna a bìsura de òmini o de fèmina chi presentàt unu deus: e chini s’àcua, e chini su fogu, e chini sa vida, e chini sa richesa de is fillus, e chini sa saludi, e chini sa fortza e chini su soli, sa luna o is isteddus…

Rachele ndi-ddi furat su chi fiat sa cosa de prus importu de totu. Ma cosa de fai? Mancai dd’essit bèndia, mancai dd’iat fatu afrontu mannu e mancai podiat no essi stètiu su babbu prus bellu de sa terra, ma giustu fiat a ndi-ddi furai is ìdolus? No fiat cosa de fai! Ma Giacobbe no dd’iat scìpiu e no dd’iat pòtziu nai nudda.

Candu Làbano fiat andau a tundi e ddus iat lassaus chena de mirai de acanta, cuddu e sa famìllia sua si-nci fiant stesiaus cun totu su beni chi iat arregortu in cussu annus. Fiant stètius capatzus de no nai nudda e de no fai cumprendi nudda de sa volontadi de si-nci andai: ita iat a essi fatu cussu òmini no ddu scieus e no dd’eus a sciri mai.

Duncas, pigant e movint cara a is montis de Gàlaad passendi su frùmini. Dònnia biàgiu sa Bìbbia ddu contat po fai cumprendi a chini ascurtat o a chini ligit chi Deus at giai acumpangiau a is babbus mannus e duncas no lassat a nemus sena de agiudu e de amparu.

Candu is ebreus funt torraus de su disterru de Babilonia, teniant bisòngiu de calicunu esempru chi iat fatu cussu caminu etotu e fiat stètiu amparau de Deus. Po cussu torrant a contai e a scriri su contu de custu biàgiu de Giacobbe: Deus no si-ndi scarescit de sa promissa sua!

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...