• #inlimba
• #Sardo
• #Imprentas

Sotziedadi. Cantu sa tecnologia si smìnciat e s’ascurtat po si fai comporai de prus

Chi seus totus sminciaus e ascurtaus no at a essi una nova po nemus. Cun is telefoneddus o finas cun totu cussas aplicatzionis chi teneus scarrigadas po fai dònnia cosa, si cumprendit ca seus controllaus. At a essi capitau a totus de nai in domu o foras ca seus circhendi una cosa e, una pariga de minutus apustis, aberrendi su social chi teneus in su telefoneddu, agataus sa publitzidadi de su chi eus nau.

Sa prima borta si parit scofa manna, sa de duas si poneus calincuna pregonta, sa de tres seus segurus chi est totu cuncordau. E su prus de is bortas no s’ascurtant po si fai dannu, ma po si bendi calincuna cosa e po guadangiai. Est stètiu de imparu mannu su chi eus scìpiu me in is eletzionis americanas: cun sa tecnologia si podint guadangiai votus, sciendi su chi donniunu pensat e disìgiat. Segundu su chi unu pensat e narat, is social ti faint agatai genti chi dda pensat comenti a nosu opuru s’afòrtiant in s’idea nosta, amostendi-sì su partidu o su polìticu chi podeus votai. Ma no est sceti faina de is telefoneddus.

Candu si scàrrigat un’aplicatzioni, ddoi funt cussas pregontas de autorizatzioni po podi controllai is fotografias, sa videocàmera e àteras cosas e po dda scarrigai si depit nai chi eja. Ddi ses narendi chi ti fais controllai e sminciai de cussa. Duncas, no tocat a si chesciai apustis. Ma su dannu no est in su telefoneddu sceti, ma in àteras cosas chi comporas e no sciis chi ti funt sminciendi.

In su duamilla e dexenoi Michael Reeves, piciocheddu americanu chi bivit po su guadàngiu chi fait in sa retza, at fatu unu bìdeu in ingresu in contu de cussus machinàrius chi lìmpiant sa domu a solus, Roomba, e at fatu biri comenti si smìnciant. Cussu amostau in su bìdeu, naràt fueddus malus dònnia borta chi atumbàt calincuna cosa o si poniat a ponni in fatu pisitus e canis chi fiant in domu. Ma gei si sciit chi candu cussus diàulus de màchinas si movint in domu, depint essi cumandadas de atesu. No est chi ddoi siat calincunu a ddas movi, ma totu is movimentus benint registraus e serbint po sciri ita ddoi est in domu.

No est chi calincunu depit intrai a furai, ma cussu limpiadori fait sciri su chi teneus e su chi si serbit. Sa punna est sèmpiri cudda de si bendi po primus su chi seus circhendi. In su duamilla e binticuatru est bessida sa nova chi no pagus de cussus limpiadoris funt stètius imperaus po sminciai (hackerati) e s’est cumprèndiu poita de cussus bessiant frastimus e si firmànt a ascurtai is chistionis e is batallas de is meris de domu. Duncas, cantu seus segurus de sa privacy chi si narant de tenni?

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...