• #inlimba
• #Sardo
• #Imprentas

Biddobrana. Una faina pro avalorare su làdiri

Ddi narant Trigu, Annoadura urbana e avaloramentu de is benes istòricos culturales. Est unu progetu finantziadu dae una mesura de su PNRR, pensadu e cuncordadu dae su Comune de Biddobrana a manos de pare cun is assòtzios Tzitade de sa terra crua e Terrapia. Sa punna est sa de avalorare is fràigos de làdiri de sa bidda a pees de duos montes, su Monte Arci e su Grìghini, e a làcana intra de su Campidanu e sa Marmidda Arta.

E custa ponidura geogràfica de làcana si biet a berus in su sèberu de is materiales impreados pro fraigare: sa pedra, chi gràtzias a Deus in is sartos de Biddobrana no mancat, e is matones de terra crua e pàgia, su làdiri, chi piessignant su paesàgiu urbanu de is biddas oru-oru de su frùmene Tirsu e no isceti.

Su progetu previdit fintzas fainas pràticas, comente a su laboratòriu Fraigare cun sa terra crua chi ant fatu su primu de làmpadas in sa Domo de su pane e chi at a sighire domìnigu 8 de làmpadas. Ma totu is fainas de custu progetu, fatas incumentzende dae su 2023 fintzas a oe, ddas ant a presentere in unu seminàriu in programma pro chenàbura 13 e domìnigu 15 de làmpadas in ue, a pustis de is saludos de su sìndigu de Biddobrana Pàulu Pireddu, ant a faeddare is espertos chi in custos annos ant istudiadu e documendadu s’architetura biddobranesa, faghende unu traballu intergeneratzionale, ponende paris generatziones antzianas o intradas in edade e is giòvanos.

E non sunt mancadas fintzas is intervistas, fatas a manos de pare cun is operadores de s’Isportellu linguìsticu de sa Provìntzia de Aristanis, a is antzianos de sa bidda, chi ant connotu a is ùrtimos ladrajos biddobranesos, iscusòrgios de sa sabidoria e de su ischire fàghere de is antigos, e chi ant bìvidu s’abbandonu a pagu a pagu, cara a sa metade de sèculu passadu, de su làdiri, remplasadu dae is materiales modernos.

Un’iscusòrgiu de regordos e contos de persones e de logos in ue, oru-oru de su riu, si faghiat su làdiri chi ancoras oe in die si podet bìere in domos meda de Biddobrana. S’apuntamentu, duncas, est pro chenàbura 13 e domìnigu 15 de làmpadas.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...