• #inlimba
• #Sardo
• #Imprentas

Pro s’avaloramentu de is limbas de Sardigna

S’Assessoradu regionale de s’Istrutzione pùblica e de is Benes culturales, chi tenet cumpetèntzias fintzas in contu de sa limba sarda e de is àteras limbas istòricu-identitàrias de s’Ìsula nostra (gadduresu, tataresu, catalanu e tabarchinu), amegat de istèrrere su Pranu nou de polìtica linguìstica, chi at a remplasare su chi oramai est iscadidu. Est un’aina chi at a pintare is fainas de amparu e de avaloramentu de is limbas de Sardigna in is chimbe annos imbenientes. Totu custu in su surcu de su chi prevident sa lege istatale 482/1999 e sa lege regionale 22/2018.

S’ispera est chi sa Regione fatzat mòvere sa retza regionale de is isportellos linguìsticos: s’art. 11 de sa lege regionale 22/2018 nde previdet deghe pro sa limba sarda, ispartos in totu su territòriu.

Àtera ispera manna est chi su sardu intret a berus a iscola, ca a tretu de 26 annos dae s’aprovu de sa lege 482/1999 sunt ancoras tropu pagas is iscolas in ue s’impreat e/o s’istùdiat su sardu. Custu pro more ca abarrant unos cantos barrancos de propassare: sa chistione de sa formatzione de is maistros e professores, sa chistione de su produsimentu de is ainas e de is materiales didàticos (fintzas multimediales) in ue is dischentes potzant istudiare.

Ma su Pranu nou de polìtica linguìstica diat dèpere fintzas afortiare sa presèntzia de su sardu me in is òrganos de informu (televisione, ràdiu, giornales e rivistas, web, social), chirchende de contivigiare mègius sa calidade linguìstica de is autores e/o condusidores de is programmas: difatis, dae parte de unu condusidore non faghet a intèndere chi su nostru programma cumentzat in lùgliu (pro su programma nostru cumentzat in trìulas) o apo bidu su diretore intrare in ufìtziu (in pasa de apo bidu a su diretore intrende a ufìtziu).

In fines, pro ite non si favoresset s’intrada de sa limba sarda a su domìniu sòtziu-linguìsticu de sa Giustìtzia, est a nàrrere a is Tribunales e a is Procuras de sa Repùblica? Est unu diritu de is Sardos, prevididu dae normativas europeas, dae sa Costitutzione italiana, dae sa lege 482/1999 e dae su Còdighe de protzedura penale.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...