• #inlimba
• #Sardo
• #Imprentas

Is poesias bolent mandadas a intro de su 15/09

Nche at tempus ancoras fintzas a lunis 15 de cabudanni pro presentare is poesias a sa segreteria organizadora de su Prèmiu Tessende rimas 2025. Sa faina dda cuncordat sa Provìntzia de Aristanis cun s’agiudu de sa Regione Autònoma de Sardigna, Assessoradu de s’Istrutzione pùblica e Benes culturales, Servìtziu Limba e Cultura sarda, Editoria e Informu, e de su Comune de Aristanis (Assessoradu de sa Cultura), a manos de pare cun s’assòtziu Arrepentina e Mutetus.

Sa punna est sa de abbiatzare e avalorare unas cantas formas de espressada poètica de su connotu de su Cabu de Giosso de Sardigna, de su Barigadu, de su Mandrolisai e de su Guiltzier, bastante apretziadas e ispartas ancoras in is annos Setanta e Otanta de su Noighentos, ma chi a dies de oe sunt in suferèntzia e arriscant de isparèssere pro more de s’ismèngua de su nùmeru de poetas chi ddas pràticant e de su nùmeru de is amantiosos chi ddas ascurtant o chi ddas leghent.

Su cuncursu est partzidu in tres setziones: sa prima pro repentinas e cantzones a curbas o longas (poesia in forma iscrita); sa de duas pro mutetos e mutos de genias diferentes (poesia in forma iscrita); sa de tres pro repentinas, mutetos e mutos de genias diferentes (poesia a cantu dae sè, ghetada a bolu; cantzones a curbas o longas, cantadas, bastet chi siant originales).

Is òperas depent èssere pensadas e iscritas dae su poeta candidadu e mai premiadas in àteros cuncursos. In is primas duas setziones si prevident 350 èuros pro is primos classificados, 250 èuros pro is chi lompent in su de duos postos, 175 èuros is chi si classìficant in su de tres postos.

In sa setzione de sa poesia cantada, imbetzes, si prevident tres prèmios de 258 èuros onniunu pro sa mègius repentina, pro sa mègius cantzone a curbas e pro su mègius mutetu. Ma sa Giuria at a pòdere reconnòschere mentovos de onore e signalatziones ispetziales (sena de dinari), cun cunsigna de s’atestadu iscritu. Pro àteros informos e crarimentos faghet a telefonare a su nùmeru 0783/793413 o faghet a mandare un’e-mail a s’indiritzu Questo indirizzo email è protetto dagli spambots. È necessario abilitare JavaScript per vederlo.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...