• #inlimba
• #Sardo
• #Imprentas
• #AntoniNàtziuGarau

Poesia, mustras, laboratòrios, ispetàculos

Su mese de cabudanni si cunfirmat unu mese de meledu, de cultura, de poesia. In Sèneghe est acabbada sa de XXI editziones de su Cabudanne de sos Poetas, intitulada ocannu Mudaduras, su fèstival de poesia de sa bidda de Monteferru chi favoresset su ligòngiu intra de is faeddos e sa comunidade e chi amegat de si seberare a livellu natzionale e internatzionale.

Logos comente a sa Domo de sa poesia, sa Prentza de Murone, Putzu Arru, su Campu de su Suèrgiu e sa Partza de sos ballos si sunt abbiatzados pro deghe dies. Tutu mudat, s’ischit, ma in unu tempus comente a su chi semus connoschende oe, turmentadu dae gherras malas in totu su mundu e fintzas in is làcanas de domo nostra, s’intendet su bisòngiu de abarrare umanos. Sa punna de su biàgiu de ocannu fiat sa de nos cunsiderare comente a una parte de un’ordidu prus mannu, narat su Diretivu de s’assòtziu Perda Sonadora, e onni mudadura est che a unu versu de unu poema chi faeddat de sa resistèntzia, de sa crèschida e de sa bellesa de is diferèntzias chi piessignant s’umanidade. Ma tocat semper de abarrare umanos, ca a dolu mannu semus intendende onni die is crònacas orrorosas de is gherras, comintzende dae cussa intra de Israele e Hamas, in sa Tira de Gaza, in ue sa populatzione tzivile palestinesa est turmentada dae is bombas e dae su fàmene, e dae cussa incarrerada dae sa Rùssia contras de s’Ucraina.

E, in Aristanis, una pariga de dies in antis de sa festa de Nostra Sennora de su Remèdiu est cumentzadu su Cabudanni Aristanesu, su programma de fainas culturales e de recreu cuncordadu dae su Comune de Aristanis e chi at a abbiatzare sa tzitade de Lionora pro totu custu mese cun addòbios istòricos, ispetàculos, laboratòrios pro pipios e pro mannos, mustras, isport.

Totu custu gràtzias a s’agiudu de s’Antiquarium Arborensu, de sa Biblioteca comunale, de sa Fundatzione Aristanis, de s’ISTAR, de su Museu Diotzesanu, de s’Ente pro is cuntzertos Alba Pani Passino, de s’Isportellu de sa limba sarda de sa Provìntzia, de s’Assòtziu de is Cadderis pro sa Sartìllia e de àteros assòtzios culturales.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...