Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Est amparadori o mutzigasurda?

Invècias de ddu fai su fradi mannu, Ruben, comenti fiat giustu po responsabilidadi, est Giuda chi fueddat po amostai is arraxonis de issus e de su babbu. Giai de Ismaeli e de Isacu seus avesus a biri comenti su primu depat sèmpiri sunfriri o essi scratzau po su prus piticu.

In prus, est Giuda chi giai una pariga de bortas at chistionau po totus. Fiat stètiu issu a cunsillai a is fradis a no bociri a Giusepi, ma a ddu bendi comenti a tzeracu (Gen 37,26); est stètiu Giuda a arrefudai su fillu de tres a sa nura e issa, apustis, dd’at improsau po sighiri sa lìnia de beneditzioni de Deus po su primu pobiddu (38); est stètiu Giuda a cumbinci a su Babbu de fai partiri a Giuseppi cun issus (43).

Duncas, Giuda no est sceti un’atori de sa stòria, ma est unu babbu mannu de su pòpulu chi at arregortu, contau e torrau a scriri su libru de sa Bìbbia. In prus, est pròpiu in su territòriu de Giuda (su Cabu de jossu de sa Terra Santa) chi est stètiu pesau su tèmpiu, sa tzitadi de Davide e est sighida sa stòria contada.

Chi su cumentzu de is contus tenit su tzentru in su Cabu de susu (sa Galilea e sa Samaria), sa sighida est totu in bàsciu. Duncas, candu Giuda fueddat a su meri de cussa terra, est chistionendi finas comenti a su pòpulu chi s’intendit fillu e erederi de cussu babbu mannu.

Giuda narat: Permiti-mì, segnori miu, de podi chistionai e de ti nai su chi tèngiu in coru; no t’arrenneghis cun mei chi ti nau su pensamentu mannu chi teneus totus. Tui s’iast domandau chi teniaus a babbu e a àterus fradis e nosu t’eus arrespustu cun sinceridadi. E tui s’as obrigau a ti betiri a fradixeddu nostu, po no lassai a fradi nostru a tzeracu cosa tua. Babbu no fiat ni cuntentu ni sulenu de su chi s’as pediu, ma at lassau etotu partiri a Beniaminu. Chi giai su primu fillu de sa pobidda stimada est mortu scorriolau de calincuna bèstia mala, custu prus piticu no depit morri. Chi tui ddu lassas innoi e no ddu fais torrai cun nosu, ita dd’apu a nai a babbu? Sa vida nosta est acapiada apari! Chi ddi giau una nova diaci, no at a trigai a si morri… Sa nexi at a essi sa mia, poita deu apu pigau sa responsabilidadi de ddu fai benni a innoi. Comenti apu a podi torrai de babbu po ddi donai una nova comenti a cussa chi dd’eus donau po Giusepi? No apu a tenni coru de pipiu o de àngelu, ma no potzu de seguru fai finta de nudda. Lassa benni cun nosu a fradi nostu e cussa destrossa no at a acontessi, po s’amori de Deus.

Nci at a essi arrennèsciu Giuda a fai cumprendi a cussu meri su pensamentu suu po su babbu e po issu etotu?

MAC 

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...