Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Est tempus de sbuidai su sacu

Mancai no podessit papai cun is fradis – chi no dd’ant ancoras arreconnotu – po traditzioni e poita fiat un’òmini de importu, sa Bìbbia si narat chi de sa mesa de Giusepi partiant is mandadas po is fradis cun preferèntzia po Beniaminu, chi nd’arriciat cincu bortas in prus de is àterus (Gen 43,33-34). Su vìtziu de is preferèntzias no ddis est ancoras passau ni a cussus ni a Giusepi, chi est cuncordendi una brulla po is fradis.

Difatis, a su tzeracu mannu ddi narat de preni a rasu is sacus de is fradis ponendi su dinai de donniunu aìnturu etotu. In su sacu de Beniaminu depit ponni finas su càlixi de su meri, cussu chi imperat po bufai candu ddoi tenit genti: duncas cussu chi at imperau in sa cena. E su tzeracu mannu fait comenti dd’iat cumandau su meri. A su spanigadòrgiu, a is ùndixi fradis ddus iant fatus movi cun is molentis insoru.

Candu nci fiant agiumai bessius de tzitadi, Giusepi tzerriat a su tzeracu mannu e ddi narat de ddus sodigai e ddus batallai in custa manera: E comenti mai si seis permìtius de torrai su mali a chini s’at fatu beni sceti? Poita nd’eis furau su càlixi de su meri miu chi imperat po bufai e po connosci su tempus benidori? Eis fatu una brulla mala a su meri!

Duncas, bessit de domu e ddus sodigat e ddis narat su chi dd’iat cunsillau Giusepi. Is fradis si spantant e, no sciendi nudda, dd’arrespundint: Ma candu mai eus fatu una cosa diaici mala. Nossi, nossi. Forroga me in is sacus e circa su chi naras tui. Eus finas torrau su dinai chi s’eis postu s’àtera borta e imoi ndi furaus oru o prata? Circa me in is sacus e, chi agatas su càlixi chi naras, su meri de su sacu innui dd’agatas bolit mortu e nosu eus a essi is tzeracus de su meri tuu! Comenti e sèmpiri, candu si fueddat tropu si fait dannu.

E su tzeracu: Tandu, su meri de su sacu at a essi su scrau de su meri miu e is àterus si-nd’ant a podi andai. E cuddu cumentzat a forrogai in dònnia sacu de su prus mannus finas a su prus piticu. E su càlixi: in su sacu de Beniaminu. Ohi, ita dannu! E imoi ita at a acontessi a cussu fradixeddu.

Ma candu mai si poniat a furai in domu de cussu meri diaici bravu. Cussa brulla no nci boliat. Iant promìtiu a Giacobi chi Beniaminu iat a essi torrau a domu, ma cun custa brulla, sa cosa si ponit mali.

E Giusepi, candu torrant a domu sua, ddis narat: No si-ndi seis acataus ca seu bonu a intzertai totu su chi acontessit? In prus, pròpiu a mei depiais fai una cosa diaici mala? Apu a fai a tzeracu a su meri de su sacu e bosàterus nci podeis andai. Ma no si-dda intendint de partiri e duncas Giuda narat …

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...