Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Po fàmini e sicori si pigat sa dètermina

Candu su trigu e is àterus benis pigaus in Egitu cumentzant a spaciai, su pensamentu de Giacobbi torrat a cresci. Chi Simeoni siat impresonau in Egitu parit chi no est de interessu mannu ni po issu ni po is fradis; ma su fàmini fait torrai a conca chi tocat a circai àteru màndigu.

Duncas Giacobbi mandat a tzerriai a is fillus e ddis narat: Pesai-si-ndi e baxei a Egitu po comporai àteru trigu e benis chi si permitant de sighiri a bivi. Nesciunu fueddu in contu de Simeoni, ni parit chi Giacobbi arremonit sa chistioni de cuddu meri egitzianu.

E duncas, spetat a Giudas a arregordai a su babbu su chi si depit fai: E comenti podeus torrai a ingunis? Cuddu meri egitzianu s’at stratallau e s’at ammaletzau de no torrai a innia sena de fradixeddu nostu. Chi tui ses de acòrdiu de pigai a Beniaminu e ddu betiri a ingunis, insaras nosu andaus e comporaus su chi si naras. Ma chi tui no bolis a fai custa faina, comenti faeus a si presentai anca est cuddu? E Giacobbi narat inchietu: Ma ti parit chi deu si fatzu portai a Beniaminu a cussu logu de timmi? No eis ancoras cumprèndiu beni ca ddu stimu cun totu su coru e chi no bollu chi tengat sa pròpiu sorti de su fradi? No est comenti a cuddu, fillu de Rachele, sa sposa stimada? E in prus: poita dd’eis nau ca teniais un’àteru fradi? No si podias chelliai?

E is fillus: E comenti si podiaus chelliai cun cussu chi s’at spreculliau? S’at pregontau a pilu-a pilu totu su chi pertocàt sa famìllia cosa nosta e nosu dd’eus postu in menti. E duncas, dd’eus nau de Beniaminu. No podiaus meledai chi s’essit nau de si-nci-ddu portai. Torrat a si-ndi pesai Giudas e narat: Alla’, babbu. Chi lassas benni a Beniaminu cun mei, t’impromitu ca ddu torru a innoi. Pigu deu sa responsabilidadi e, chi no torrat, sa curpa at a essi sceti sa mia. No as a depi circai a àterus, ma me in is manus mias as a agatai sa nexi. Chi s’ias ascurtau insaras, imoi fiaus giai torrendi cun màndigus e benis. Permiti-mì de ddu pigai e de nci-ddu portai a cuddu meri e eus a torrai luegus cun su beni e cun fillu tuu.

Giudas puru, boxi de is fradis e po is fradis, depit ancoras pigai a imparu chi Beniaminu no est sceti fillu de su babbu, ma est fradi insoru. Ma gei no est atesu su momentu de dd’imparai.

E su babbu dd’arrespundit: E duncas, pigai-nde-ddu. Ingollei puru prendas e benis chi teneus innoi. In prus pigai dinai: su chi si serbit po comporai e su chi s’ant postu me is bèrtulas s’àtera borta. Deus, Soberanu, s’at a acumpangiai me in is passus chi faeis e candu eis a atobiai a cuddu meri poderosu.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...