Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Innoi seus dexi fradis e nd’amancant duus

Candu is fradis fiant arribaus a su logu giustu po comporai su trigu, ddoi iant agatau a Giusepi. E issu ddus iat connotus luegus; invècias cuddus no dd’iant connotu. Podeus pensai ca su motivu est po comenti cussu egitzianu fiat allichidiu. Ma forsis est prus de importu a pensai chi cuddus pensànt ca fiat mortu e Giusepi fiat abetendi de ddus biri.

Duncas, cumprendendi ca issus no dd’iant connotu: De aundi sei arribendi?, narat Giusepi a is fradis. E cuddus: Seus arribendi de Canaan e seus circhendi de comporai cosa de papai. Giusepi, in cussu minutu, si-ndi fiat arregordau de is bisus chi iat fatu e forsis puru de su disìgiu de cumandai asusu de is fradis e duncas ddis narat: Misiat-misiat ca seis innoi po comporai trigu. Bosàterus seis scoviadoris e seis bènnius a innoi po castiai e po scoviai totu cussu chi ddoi est de dèbili in custa terra.

E cuddus, sena de ddu connosci: Candu mai at a essi! Nossi-nossi. Seus innoi po contu de babbu nostu chi s’at mandau a comporai trigu po sa genti nosta. No si dexit a si nai ca seus scoviadoris, poita seus totus fradis e fillu de unu babbu solu! (Imoi gei si-ndi arregordant ca funt fradis e ddu narant pròpiu a su fradi chi ant bèndiu e disistimau).

E Giusepi: Pagu ddu creu! No mi pareis genti sintzera. Bosàterus seis bènnius a innoi po cumprendi comenti torrai a innoi po ndi furai totu. E cuddus, assuconaus po su chi intendiant de cussu meri stràngiu, narant: Doxi funt is tzeracus tuus, seus totu fradis, fillus de un’òmini sceti, chi bivit in Canaan. Chi si contas seus dexi, poita unu, su prus giovuneddu e stimau de babu est cun issu, e s’àteru no ddoi est prus! Si depis crei, ca faulas no ndi naraus! Prus pagu ancoras a sa vossignoria.

Ma Giusepi no si firmat e ddus streullat de prus: Nossi-nossi. No est comenti seis narendi bosàterus. Deu apu cumprèndiu s’arratza de genti chi seis: seis scoviadoris! (Comenti fiat stètiu issu candu andàt anca fiat su babbu a ddi nai su chi faiant is fradis in su sartu e cun su bestiàmini). Duncas, po sciri chi narais sa beridadi eus a fai diaici: andai a pigai custu fradixeddu chi nanca teneis cun babbu de bosàterus e apu a crei ca seis sintzerus. Unu andat a pigai a issu e is àterus abarrant innoi comenti a presoneris. Chi no ddu podeis fai, seis scoviadoris e s’apu a aguantai in galera po sèmpiri.

Pagu no fiat! E po cussus fradis sa nexi fiat meda po su chi iant fatu a Giusepi e po su chi podiat acontessi a Beniaminu, su fradixeddu piticu. E Giacobbe? Comenti dd’iat a ai pòtzia pigai?

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...