Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Circa a un’òmini sàbiu e capatzu 

Intèndiu chi iat su contu de is bisus de sa buca de su faraoni, Giusepi iat cumprèndiu de podi otenni calincuna cosa de cussa possibilidadi. Fiat nàsciu e crèsciu acumpangiau de sa bonasorti e su babbu dd’iat fatu bivi comenti e chi fessit su primu, s’ùrtimu e s’ùnicu fillu.

Duncas, iat imparau beni ita boliat nai a essi stimau. Imoi su faraoni dd’iat contau is bisus e fiat abetendi sa torrada de Deus e sa sua. Insaras Giusepi si ponit in pàsiu e dd’arrespundit: As tentu fortuna e ses beneditu de Deus. Issu etotu t’at fatu fai custus bisus po ddi nai su chi depit acontessi in custa terra de imoi a catòdixi annus. Su chi as bisau no funt duus, ma est unu sceti in duas facis. Is seti bacas bellas e pàscias e is seti spigas funt seti annus. Comenti a is bacas e a su trigu, ca fiant grassas e prenu, diaici ant a essi cussus annus chi funt arribendi a custa terra. No ti-ndi scarèscias chi Deus etotu ti dd’est narendi innantis chi siat, poita issu non torrat asegus candu si ponit in conca de fai calincuna cosa. E dd’at a fai. Funt arribendi seti annus chi sa laurera at a essi bella e prena; s’at a podi papai cun prexu e cun alligria, ma at a tocai a ndi chistiri puru de cussu chi sa terra at a donai. No tocat a sparanniai, ma nimancu a sperditziai.

S’arrejonu est cussu chi si imparat in famìllia: candu su traballu est meda e donat sa possibilidadi de fai calincunu soddixeddu in prus, no tocat a nci-ddu scavulai in cosas de pagu contu, ma tocat a ndi ponni a parti. E su chi balit po una domu e una famìllia, balit po una butega, po una sienda, po una bidda, po una regioni e po unu Stadu.

A sperditziai si fait in pressi e no ddoi bolit conca, ma a chistiri est faina de genti sàbia. Duncas, apustis de cussus seti annus de benis a scavuladura – ma chi no si-nci depint scavulai – ant a arribai seti annus de fàmini a tzugu. Cussu fàmini chi at a arribai, at a fai scaresci s’abbundàntzia de is seti annus innantis e sa genti at a sunfriri meda finas a arriscai de morri de fàmini.

E Giusepi sighit non cun su significu, ma cun su chi at a tocai a fai: Po si sarvai de cussu dannu mannu, su faraoni depit agatai a un’òmini sàbiu e capatzu, chi nci arrennèsciat a ponni a parti in su tempus de abbundàntzia e chi torrit a partziri in su tempus de fàmini. Sceti diaici sa terra d’Egitu s’at a podi sarvai e at a podi essi logu de sarvesa po àterus pòpulus. Duncas, circa a cussu òmini e sceberandi a àterus po fai controllai in dònnia zona su chistimentu de su beni, poita no ddoi siat chini ddu fait e chini no ddu fait.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...