Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Chi nemus ddus sboddiat, prova a ddu fai tui

Insaras su faraoni mandat a tzerriai a cuddu giovuneddu chi sciiat cumprendi is bisus e sciiat donai su significu giustu (Gen 41,14). Sigomenti no si podit andai anca est sa genti chi tenit gradu sena de essi beni postus, Giusepi, bessiu de presoni, si tundit, si tramudat sa bestimenta e andat luegus anca est su faraoni.

At a ai pensau: O oi o mai prus! M’at a torrai a acontessi sa possibilidadi de andai a innantis de su faraoni? Difatis, sceti chini contàt calincuna cosa podiat biri sa faci de cussu meri, chi fiat in cunsideru de essi finas unu deus. Duncas, tocat a fai beni e a lestru. E su faraoni non timit a chistionai cun cussu piciocu, stràngiu e presoneri.

Apu fatu unu bisu e nemus nci arrennescit a mi ddu sboddiai. Apu intèndiu ca tui tenis su donu de ascurtai unu bisu e ndi cumprendi su significu fungudu. Chi mi naras ca eja, ti ddu contu e mi ddu sbòddias! E Giusepi – ma forsis de prus cussu chi s’at torrau a scriri cussu contu e ddu torràt a nai po nosu e po chini boliat cumprendi comenti su coru de s’òmini si movit – narat: No seu deu a sboddiai is bisus, ma est Deus etotu chi at a donai sa torrada giusta.

E Giusepi parit chi sighit: Chi mi naras, Deus s’at a donai su significu giustu e tui as a podi fai su chi si depit fai. Parit brulla, ma su faraoni – in su contu de sa Bìbbia – no timit a cussu giovuneddu, ni a cussu Deus stràngiu. E su faraoni ddi contat su bisu: Fui acanta acanta de su frùmini mannu, su Nilu. E allo-ddas, arribendi seti bacas bellas pàscias, chi si funt postas a pasci benimindi e cun gana in sa stula. Apustis de cussas funt lòmpias àteras seti bacas làngias e famidas, lègias e assicorradas de su fàmini. Deu de bastiàmini nd’apu biu meda in vida mia, ma mi parit ca diaci mali pigadas no nd’apu biu mai. Innoi sa terra e s’erba no ammancat, ma diaici làngias e famìdas, fui de diora sena de ndi biri.

Totus fiant ascurtendi a su faraoni, ma is ogus fiant asusu de cussu piciocheddu e is pregontas fiant totus po cussu chi iat pòtziu cumprendi de cussus bisus. Su faraoni sighit: Is bacas làngias ndi papànt is pàscias e sighiant a essi lègias e marrias. Apustis de cussu bisu malu, mi-ndi seu scidau e est sighiu un’àteru bisu malu e peus de su primu. Apu bisau unu fundu de trigu cun seti spigas prenas prenas. Faiat praxeri a ddas castiai. E luegus ndi funt nàscias àteras seti trotas e sderrutas e si-nd’ant papau cuddas bellas e prenas.

E su faraoni sighit: Apu contau a totus custus bisus e nemus ndi cumprendit nudda. Tui ses bonu a mi-ndi sboddiai su significu? Toca a t’intendi!

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...