Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Ponit a su pipiu in buca de su lioni

Giai cun su primu bisu, a Giusepi is fradis iant tentu cosa de ddi nai, cun su de duus mancu su babbu, chi ddu stimàt meda, fiat abarrau citiu e prexau. Unu mangianu narat: Apu fatu un àteru bisu – chi no est diferenti meda de su de unu. Su soli, sa luna e ùndixi steddus si incrubànt a innantis de mei.

Su babbu, Giacobbe, parit de ai cumprèndiu s’antìfona e ddu straullat: Ita arratza de bisu as fatu? Forsis, depeus benni deu, mamma tua e is fradis tuus a ti torrai onori incrubendi-sì a faci tua? Duas cosas tocat a nai in custu momentu po cussus chi ddis praxit a ligi sa Bìbbia e a ndi cumprendi comenti nerit e no nerit is contus.

Sa mamma de Giusepi, Rachele, stimada prus de totus de su pobiddu, fiat giai morta, segundu su contu de sa Bìbbia, in su capìtulu 35,16-20. Fiat morta in su scendiòngiu de s’ùrtimu fillu, Beniaminu. E forsis pròpiu po cussu Giusepi naràt de is ùndixi steddus.

E cussu fillu piticu e fradi de Giusepi at a essi cussu chi at a fai movi totu sa stòria de su presoni de is fradis e de sa manera de si fai connosci de is fradis etotu. Duncas, comenti podiat sa luna si incrubai a innantis de Giusepi, chi sa mamma fiat giai morta?

Ma forsis no est custa sa pregonta giusta – chi tenit asuta su problema de sa stòria e de su chi est acontèssiu; e invècias sa Bìbbia bolit nai meda de prus de sa stòria. E is fradis, candu Giusepi iat contau cussu bisu, funt stètius prus fengiosus ancora e iant fatu promissa de ddi fai pagai s’infra manna chi iat tentu. Finas sa stratallada de su babbu ddus iat afortiaus po ddi fai calincuna arrevesa. Su babbu, chi si-ndi fiat acatau de sa tìrria de cussus, no iat nau nudda e si fiat agauntau totu in su coru suu.

E si sciit chi candu unu babbu si citit, is fillus no sèmpiri cumprendint su chi tenit in coru. Duncas, cussus andant a pasci atesu, in sa terra de cuddu Sikem chi dd’iant bociu a totu s’eredeu. In terra de morti, cun su disìgiu de dda fai pagai a su fradi.

E su babbu narat a Giusepi: Fradis tuus, andaus funt a pasci su bestiàmini? Beni pagu pagu, chi ti bollu mandai de issus. E Giusepi dd’arrespudit prontu: Allei-ti-mì. E su babbu: Bai a scocai a fradis tuus e càstia comenti pascint is pegus e comenti funti is brebeis. Candu as biu totu, torra a innoi e mi ddu contas a pilu a pilu. Giacobbe parit de essi scarèsciu sa tìrria de is fillus po su fradixeddu piticu e s’infra de cussu. Parit agiumai chi dd’at postu in buca de su lioni, sciendi chi su lioni teniat fàmini e disìgiu malu. E su lioni at a provai a ndi-ddu papai a su piciocheddu.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...