Sa Bibbia frorigiada

• #inlimba
• #Sardo
• #BibbiaFrorigiada
• #Imprentas

Mancai no fessit farra de fai òstias

Chi eis lìgiu is capìtulus trintacincu e trintasès de su primu libru de sa Bìbbia, sa Gènesi, eis pòtziu cumprendi duas cosas. Sa prima chistioni est chi òminis e fèminas de sa Bìbbia no funt farra de fai òstias. No si contat de genti bianca che sa nii, e nimancus de àngelus innotzentis.

Si contat de òminis e fèminas chi ant fatu cosas bellas e finas, chi no de prus, cosas malas meda, po cussu chi podeus giudicai nosu. E su chi at fatu Ruben, su fillu mannu de Giacobbe, benimindi, cun sa tzeraca de su babbu no fiat faina de sagrestaneddus. A su biddaforesu, fillu de Camor, Sichem, gei si dd’iant fata pagai bella po su chi iat fatu a sa sorri de cussus.

Imoi est unu fillu chi si ponit cun d-una sposa de su babbu. Sa chistioni de duas est sa de torrai a agatai a su fradi mannu, Esaù. De su contu pariat chi si fessit storrau de su fradi e chi dd’iant lassau a un’ala. Invècias, no sceti si torrant a biri po s’interru de su babbu (35,29), ma in su capìtulu trintasès si fueddat sceti de issu e de is fillus suus.

Comenti si podit ligi àteras dexi bortas, innoi puru su contu chi pertocat a Esaù cumentzat cun s’espressada Custu est s’eredeu de Esaù, chi est Edom. E de ingunis po corantatrès mutetus si narat totu su chi dd’acontessit. In primu s’arremonant pobiddas e fillus. Is pobiddas funt totus stràngias e fiat po custu su motivu chi sa mamma dd’iat fatu collionai de su fradi e nci iat mandau a Giacobbe de Làbanu (27,46). Iaus lìgiu chi fiat stètiu Giacobbe chi si-nci fiat stesiau de sa terra de su fradi.

Invècias imoi ligeus chi est custu chi si-nd’est andau a is montis de Seir. Parit chi ddi lassit su logu, comenti a fillu beneditu. Su motivu est chi is terras fiant tropu pagus po su bestiàmini de totu e is duus (36,7). Po no torrai a brigai po sa terra e po sa pastura, unu si-ndi depiat andai.

E innoi su contu parit donai arraxoni a su fradi mannu. De seguru, at a essi sa versada de is fillus de cussu e de sa famìllia chi at intregau de buca in buca po contai is prendas de cussu babbu mannu. E de Esaù a is fillus, a is meris, a is cumandantis, a is reis.

Totu custu si narat chi Deus no at scarèsciu a Esaù o a is fillus suus e mancu chi at scritu sa Bìbbia at provau a ddu fai. Su chi arribàt de is famìllias de su pòpulu no si podit ne scavuai o mudai tropu. Donniunu e dònnia famìllia tenit is arregordus suus chi no si depint spretziai. Duncas, apustis de custu, cumentzaus a ligi su contu de Giusepi, su bisadori scofau in Egitu.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...