Sa Bibbia frorigiada

• #inlimba
• #Sardo
• #BibbiaFrorigiada

Chi Giacobbe at bintu, chini est chi at pèrdiu?

Giacobbe depiat fai sa torrada de su biàgiu suu. Cussu cun Esau fiat stètiu unu tretu, ma su prus tocàt a ddu fai ancoras. E tocàt a ddu fai torrendi a su logu chi po primu fiat s’atòbiu cun Deus: Betel (Gen 35,1; 28,19). De ingunis fiat mòviu e a ingunis tocàt a torrai.

Bosàterus chi ligeis s’eis a arrosci puru candu torru a nai sèmpiri is pròpius cosas, ma no potzu lassai sena de nai chi dònnia contu de sa Bìbbia no est su chi est acòntessiu ebbia, ma su chi su ligidori depit cumprendi po sa vida sua. Giacobbe depit torrai a Betel, poita donniunu depit torrai in su logu de su primu atòbiu: est comenti po is sposus, chi torrant a bortas a su logu innui si funt connotus. Est una manera po arremonai is arraxinis e tastai ancoras su primu manicaretu.

Deus ddi narat: Bai a innui si seus connotus, a Betel, e abarra una scuta ingunis. Pesa un’artari a su Deus chi as connotu candu fias fuendi-ti-nci de fradi tuu. Insaras, Giacobbe ascurtat cussu fueddu e si ponit a caminai po arribai a Betel, ma in s’interis cumandat a sa cambarada sua de nci bogai a totus cuddus deus chi no fiant comenti a su chi dd’iat amparau. Nudda depiat abarrai de cussus chi no ddus iant acumpangiaus e amparaus.

Giai sa pobidda stimada, Rachele, dd’iat fatu pigai cussa sprama essendi furau is ìdolus de su babbu, e imoi tocàt a litziri su logu.

Parit de dd’intendi: Tocai luegus, limpiai su logu e betei a innoi totus cussas statueddas e dònnia cosa votada a cussus befianus de ìdolus. No serbint e tocat a nci-ddus bogai de mesu. Betei-mi-ddus ca ddus interru – comenti si fait cun is mortus – asuta de sa mata manna de chercu de Sichem. In bonora andint cussus ìdolus. Partius de ingunis, funt arribaus a Betel, chi innantis ddi narànt Luz. Giacobbe nd’iat pesau s’artari promìtiu. In cussas diis fiat morta sa levadora de Rebeca, Dèbora, e a issa puru nci-dd’iant interrada asuta de un’àteru chercu de importu: su Chercu de su prantu.

E si cumprendit chi sa morti de cussa fèmina est stètia unu dannu mannu po sa famìllia de Giacobbe. No dd’iant mai nomenada, ma depiat essi fèmina de importu mannu. E pròpiu ingunis Deus torrat a si fai intendi, a si fai a connosci, a chistionai: Tui no ses prus Giacobbe, su collionadori, ma ses Israeli, ca as batallau cun Deus e… calincunu at bintu! Candu duus batallant e agatant un’acòrdiu, chini at bintu diaderus? Chini at fatu a cumprendi de cumandai o chini at tentu sa fortza de torrai asegus po fai sa paxi? Chini bincit? Chini àrtziat sa boxi o chini fait citiri a totu e is duus? Chini at bintu: Deus o Giacobbe? O totu e is duus?

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...