Sa Bibbia frorigiada

• #inlimba
• #Sardo
• #BibbiaFrorigiada

Est su tempus de dd’atobiai

Passada finas sa batalla cun Deus, a Giacobbe dd’abarràt sceti de atobiai a su fradi. Iat cuncordau su progetu po no si fai bociri de cussu e po no perdi a chini stimàt de prus: a Rachele e a su fillixeddu, Giusepi. Duncas, a mangianeddu biit de atesu a su fradi arribendi a cuaddu cun cuatruxentus òminis: gei fiat pagu!

Chi fiat ancora inchietu, ddus iat a ai pòtziu pistai che su sali. Insaras, Giacobbe pigat a is tzeracas cun is fillus insoru e ndi fait una cambarada innantis a totus; asegus ponit a sa pobidda Lia cun is fillus e a palas de totus a sa sposa stimada, Rachele, cun su fillu de sa becesa, Giusepi. Iat giai pensau (Gen 22,12) de spartzinai a pobiddas e a fillus po poderai s’arrennegu de cussu fradi aresti. E cussu, sena de si fai biri timorosu, si ponit a càbudu de sa cambarada e dd’abetat. No abarrat firmu, ma s’aterrat seti bortas comenti e chi fessit a faci de Deus.

Giacobbe no iat lassau sa capatzidadi de cumprendi a su fradi e de ddi fai fai cussu chi teniat in coru. Esaù lompit anca est su fradi, dd’imprassat, si-nci ghetat a su tzugu, ddu basat e prangit cun cussu. (Est sa pròpia filera de verbus chi at a imperai su Vangelu de Luca po contai su chi fait cussu babbu de sa paràbola cun su fillu chi si-nci fiat andau de domu cun su dinai e, apustis, fiat torrau po fàmini, in su capìtulu de cuindixi). Prantu chi essint, Esaù pesat sa conca e biit totu cussa genti e preguntat: E fillus de chini funt custus? E ita ti funt a tui?

E Giacobbe ddi narat: Funt is fillus chi m’at donau Deus, poita m’at sceberau comenti a su tzeracu suu. E comenti e chi fessit giai totu studiau e progetau a fini a fini, is duas tzeracas s’acostant a Esaù, cun is fillus insoru, e si-nci ghetant a terra po ddu saludai. Apustis ddu fait Lia cun is fillus de issa. E, a ùrtimu, si-nci ghetat finas Rachele cun su filixeddu Giusepi. Totus a fai cussu chi iat fatu su babbu mannu e chi fait praxeri a cussu fradi arrennegosu. Nara-mì una cosa: ita est totu cussu beni chi apu biu benendi a innoi?

E Giacobbe, margiani bellu, ddi narat: Est su chi apu pesau po tui e po t’apaxiai. E cuddu: Chisti-ddu e aguanta-ti-ddu. Ndi tèngiu giai tropu e no apu a tenni bisòngiu de su tuu. Ma Giacobbe abetiat: No mi fetzas cussu. Seu torrau anca ses tui comenti si fait andendi anca est Deus. Chi t’apu donau cosa, no mi-ndi-dda torru a pigai. Est cosa tua e a tui depit abarrai. Custa borta puru bincit sa sabidoria de Giacobbe e no sa fortza de su fradi, chi s’ammòddiat in pressi. Duncas, s’abètiu de Giacobbe, iat furriau s’idea de Esaù.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...