Sa Bibbia frorigiada

• #inlimba
• #Sardo
• #BibbiaFrorigiada

Ma chini at bintu? Deus o Giacobbe? 

In cussa noti benedita, Giacobbe si-ndi fiat pesau, iat pigau a is duas pobiddas, a is tzeracas, a is ùndixi fillus e iat passau su bau de su frùmini Iabbòc. Ddus iat ghiaus a passai su bau de su frùmini con totus is benis de issu. Fiat noti de importu, cussa, e at a abarrai diI de valori po totus is genias benidoras.

Giacobbe fiat abarau a solu – comenti a sèmpiri in sa vida de issu – e unu tali iat batallau cun issu finas a su spanigadòrgiu. Ma mancai sa batalla fessit longa, no nci fiat nisciunu de is duus chi nci arrennesciat a binci: fiant paris. Duncas, cussu àngelu o òmini o deus iat cumentzau a brigai cun Giacobbe a corpus e a ciafus.

Ma issu, fraitzu prus de cuddu, dd’iat fertu a s’anconi e dd’iat atzopiau. Ma cuddu no si fiat firmau po su dolori e iat sighiu a batallai. E su chi no si sciiat ita fessit, ddi narat: Lassa-mì, ca mi-nci bollu andai. Est arbèsciu. Fiant in d-unu arrieddu: e in cussus logus sa mudada de su noti a su spanigadòrgiu fiat santa.

Giacobbe ddi narat: Gei ti-nd’as a arriri. No ti-nci lassu andai, chi innantis no m’as fatu beneditu. E cuddu, chi no-nci dda faiiat a ddu lassai: Nara-mì ita ti narant. Fillu de chini ses?  E Giacobbe ddi narat su nòmini suu. E ddi torrat a nai: No t’as a tzerriai prus Giacobbe! De imoi a innantis t’as a tzerriai Israele – chi bolit nai su chi at bintu una batalla. As tentu briga cun Deus e cun òminis e as bintu sèmpiri. Su chi si narat in d-unu oràculu no si cumprendit mai. Est sèmpiri unu mistèriu e po cussu est oràculu.

Comenti iat a essi chi at bintu, chi ddi fut pitziau s’anconi? Ma forsis est pròpiu custa s’idea giusta de binci: chini disìgiat, prangit, sunfrit e circat de arribai a s’acabu de is cosas at bintu diaderus. E no chini tenit totu comenti bolit. Giacobbe ddi narat: E a tui ita ti narant?

E cuddu in su mistèriu suu: E poita mi pregontas su nòmini? Ita ti-ndi importat? E a cudda narada, dd’iat benedìxiu. Insaras, Giacobbe iat postu su nòmini a su logu: Penuel, chi bolit nai apu biu a El, a Deus. Arbèsciu chi fiat, cussu àngelu si-nci fiat fuiu e Giacobbe fiat tzopu a s’anconi, e fiat abarrau diaici totu sa vida.

Sa traditzioni narat chi is ebreus no papant s’anconi de animali perunu po sa devotzioni a cussa faina de Deus cun Giacobbe. Ma si sciit ca is traditzionis tenint arraxinis in logus medas e duncas no si podit sciri de innui unu fueddu at tentu nàscida. Est po cussu chi tocat a ligi sa Bìbbia e a circai de dda cumprendi: poita sceti cun sa ligidura si cumprendit sa vida e, movendi de sa vida, si torrat sinnu a su chi si ligit.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...