Sa Bibbia frorigiada

• #inlimba
• #Sardo
• #BibbiaFrorigiada

Deus, m’as promìtiu chi m’iast a ai agiudau 

Partiu su tziu Làbanu po torrai a domu sua, a Giacobbe ddi fiat tocau a ponni totu sa conca po cumprendi comenti si podiat lisiai su fradi. Su pensamentu de torrai a ddu biri, dd’iat trumbullau meda e, cammina-cammina, ddi fiat partu de biri a una cambarada de àngelus, chi, po cussu, iat tzerriau cussu logu Macanaim, chi bolit nai acampamentus de sordaus (Gen 32,2).

Sa Bìbbia nomenat custus nòminis de logu po agiudai a chini connosciat cussu logu a cumprendi su caminu chi iant fatu is atoris de sa Bìbbia e chi depiant fai puru is ascurtadoris e is letoris. Una manera po nai chi est pròpiu in cussa terra chi si fiant atobiaus Deus e s’òmini.

Ma ddoi est puru un’àteru motivu: Giacobbe etotu at a fai in cussu logu duus acampamentus po timoria de su fradi. Una cosa s’amesturat a s’àtera. Sighendi su contu, Giacobbe iat imbiau a su fradi cummessioni: Narai-ddi ca seu torrendi apustis de essi traballau comenti a unu molenti in domu de tzieddu nostu. Seu arribau anca est issu foras de nudda e seu torrendi càrrigu de brebeis, bacas, molentis, tzeracus e tzeracas. Duncas no seu benendi a ddi circai contus. Ddi seu mandendi ambasciada po ddi fai a sciri de s’arribu miu, chi ddi fait praxeri.

Cuddus chi iat mandau, no iant trigau a torrai anca fiat Giacobbe e a ddi nai: Fradi tuu at scìpiu chi ses arribendi e est benendi a innoi impari a cuatruxentus òminis. Sa nova po Giacobbe no fiat bella meda, sciendi cantu a cuddu ddi buddiat su sànguni. Cussa nova dd’iat stratallau meda, si-ndi fiat atziconau. Insaras, iat partziu su beni suu in duus tallus mannus, chi pariant acampamentus e iat pensau: Chi fradi miu imbatit a innoi, at a spaciai su nervosu suu cun su primu tallu e su segundu s’at a sarvai.

Duncas, iat pregau a Deus: Deus e Sennori miu, de ajaju e de babbu, chi m’as nau chi mi faias torrai a sa terra mia, ti torru gràtzias po totu su beni chi m’as fatu guadangiai anca est tzieddu miu. Seu arribau a cussa terra cun d-unu matzucu sceti e ndi seu torrau cun duus tallus de bestiàmini. Imoi mi serbit s’agiudu tuu, chi no fradi miu chi arribat a innoi at a bociri a mei, a pobiddas mias e a fillus mius. E chi fait una cosa diaici, comenti s’at a podi cumpriri su fueddu chi m’as nau, chi su sèmini miu at a essi comenti s’arena de sa praja?

Gei sciiat su fatu suu e podiat fueddai cun Deus comenti a un’amigu, mancai fessit sennori e meri mannu. Sa noti innantis dd’iat passada cun su tziu, custa dd’at a passai cun totu cussa genti. Sa noti afatanti at a abarrai a sa sola.

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...