Sa Bibbia frorigiada

• #inlimba
• #Sardo
• #BibbiaFrorigiada

A Giacobbe gei no dd’est trobeddada sa lìngua 

Dd’iat brigau massimamenti e cun tropu arrennegu po si-dda lassai passai. Giacobbe, chi sciiat su contu de cussu, candu su sorgu, Làbanu, no agatat is ìdolus cosa sua, si-ndi pigat sa parti manna e cumentzat a ddu brigai cun fortza e gana.

Insaras? E poita ti ses postu a mi benni avatu e a mi sighiri comenti e chi fessi unu filibustieri o un aremigu? M’as sighiu comenti si fait cun chini furat pegus de bestiàmini. Ma deu no ti-nd’apu furau nudda. Mi-ndi seu pigau su miu e cussu chi mi tocàt! Apustis, nd’as bogau a pillu su contu de is ìdolus, pighindi-mì comenti a cuddus chi si no fidant de su Deus insoru e andant pedi-pedi anca funt àterus deus, majàrgius e brùscias. Imoi chi as forrogau in sa cosa mia circhendi su chi ti-nd’ant furau, innui funt?

A chini ddus as agataus? Chini depu bociri segundu sa promissa chi t’apu fatu? Tocat… marranu a ddu ponni innoi ainnantis de totus e a mi fai cundennai po cussu. Binti annus seu abarrau in domu tua, traballendi po tui e fadendi-tì prus arricu de candu seu arribau. Is brebeis e is crabas tuas, in cussus binti annus, no ant pèrdiu mai un’angiada e de bicus e de crabus no nd’apu mai ni spèrdiu ni papau. Chi t’at amancau cosa, nara-ddu! Candu mai t’apu betiu angionis, brebeis, bicus, crabus o crabiolus scorriolaus de calincuna bèstia aresti?

E, candu calincunu at tentu s’idea de ndi furai calincunu pegus, o dd’apu circau e agatau o dd’apu pagau deu de buciaca mia etotu. No as mai pèrdiu unu soddu po curpa mia. A su mesudì m’abruxàt su soli e a su noti mi fridàt su frius e su sonnu mi passàt mirendi is tallus. Làbanu gei dd’at brigau, ma imoi si-ndi pigat su mellus. E sighit Giacobbe: Binti annus seu stètiu in domu tua. Catòdixi annus po is duas fillas tuas e ses annus po is tallus. E m’as mudau sa paga mia una dexina de bortas. Chi no m’iat beneitu e acumpangiau su Deus de Babbu miu, su Deus de ajajau, Abramu, mi-nc’ias bogau a sonu de corru sena de mi giai nudda. Ma cussu Deus chi m’at permìtiu de mi fai torrai càrrigu, at biu s’afinamentu de ànima cosa mia e cantu mi seu scosciau de traballu in domu tua e notesta est interbènniu in su certu intra de mei e tui.

Giacobbe, o chini at scritu su contu, parit chi fatzat a cumprendi a chini ligit chi is ìdolus de Làbanu no balint nudda, ca no nci arrennenxint nimancu a si fai agatai asuta de una sedda. Is ìdolus no tenint vida e no pigant determinus, ma faint su chi is òminis decidint. Invècias, su Deus de issu no est diaici: Issu interbenit, mudat sa stòria, agiudat a chini bolit. Custu est Deus!

MAC

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Una stèrrida de sa chistioni (parte 1)

Sa nàscida de is duus fradis (parte 2)

Cussa gentilla benedita (parte 3)

Isacu a sa moda de su babbu (parte 4)

Fainas de Isacu e is tzeracus (parte 5)

Tocat a sceberai su capu… (parte 6)

Ma esti fradi miu? (parte 7)

At abarrai beneditu (parte 8)

At a essi ora de andai atesu (parte 9)

Chistionis de coja (parte 10)

Su bisu est avisu (parte 11)

Acanta de unu putzu (parte 12)

Una pedra manna meda (parte 13)

Unu stràngiu in domu allena (parte 14)

E chi ti mudant sa paga? (parte 15)

Poita apu traballau? (parte 16)

Pobiddas certadoras (parte 17)

Candu est tropu… (parte 18)

Is ùrtimus fillus (parte 19)

Un’àteru certu (parte 20)

Load More...