- Dettagli
- Domenica, 08 Marzo 2026 15:41
- Scritto da Redazione
Famìllia. Candu is fillus circànt a babbus e a mammas po su beni e no ddus càrculant
Me in is diis passadas est torrada a girai me in is social un’intervista de su duamilladexennoi fata in sa Rai de su giornalista Pedru Luisu Diaco a Luca Barbareschi, innui naràt chi a is fillus no at lassai mancu unu soddu de su dinai meda chi at stugiau in custus annus de carriera in teatru e in televisioni. Dd’ant torrada a bogai in custu tempus poita a s’acabbu de s’annu passau, a Luca Barbareschi, dd’est calada una guta chi dd’at lassau tempus meda in su spidali. E in totu cussu tempus – at nau issu – is fillus no funt andaus a dd’agatai e no dd’ant mancu tzerriau po ndi sciri.
Ma naraus cun òrdini. Barbareschi at tentu ses fillus de tres pobiddas e at fatu carriera manna passendi de atori, a regista e imoi est produsidori de filmis e de trasmissionis. In prus tenit domus in logus diferentis de Itàlia e de su mundu e parit chi tèngiat unu muntoni mannu de dinai. Issu, in cussa intervista (de su 2019) narat de no ai lassau mancu unu soddu a is fillus e de no ndi bolit lassai. Is fillus de is arricus arriscant de essi tontus, poita si pascint de su dinai guadangiau de is babbus e de is mammas e ddu sperdìtziant.
Sighit Barbareschi: Deu seu nàsciu in Uruguay e, a pustis, apu bìviu e traballau in logus meda de su mundu e deu e issus teneus passaportu de tres natzionis. Duncas a is fillus mius lassu de connosci su spagnolu, s’italianu, s’inglesu e su frantzesu: giai a connosci lìnguas de totu su mundu est un’eredadi manna meda. In prus, ddus apu fatus studiai in d-una de is scolas prus mannas in su mundu, in s’Universidadi de Colombia, in Amèrica, innui ddoi bolit unu millioni de èurus po dònnia cuatru annus. Duncas, ddis apu donau is ainas po cresci e po fai sa vida insoru: a ddis donai dinai no iat a essi una faina bona.
E su chi narat no est malu, ma is fillus forsis no dd’ant pigada beni e in sa maladia de su babbu no si funt presentaus. A parti custu, si podit pensai a su motivu chi medas bortas fait brigai is fillus a pustis de sa morti de babbu e mamma: su beni! E no est sceti chistioni de donai a donniunu sa legìtima, ma est a assegurai sa paxi.
Duncas, Barbareschi – innantis de si morri o de no essi prus in fortzas – at giai nau a is fillus ita at a essi apustis, pighendi-si-ndi sa nexi e no lassendi-ddus brighendi. E cantu funt is famìllias chi si dividint, poita no ddoi est stètia una detèrmina crara e segura? A bortas su prus barrosu ndi pigat totu o si fait meri de su prus, sena de lassai a nemus de ndi pigai parti. Po sa paxi de is fillus, mellus a ddoi pensai in vida.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Le edicole chiudono: si legge di meno?
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.