- Dettagli
- Domenica, 08 Marzo 2026 15:36
- Scritto da Redazione
Una bidrera de importu pro is prendas nostras
Est a ddas allogare e a ddas respetare, a si nde incurare e a ddas avalorare is prendas de su patrimòniu culturale sardu, pro nde gosare nois oe e pro ddas lassare sanas a is generatziones de su tempus benidore. In pagos faeddos si diat pòdere resumire aici s’interventu fatu dae s’assessora regionale de s’Istrutzione pùblica e de is Benes culturales, Ilaria Portas, in TourismA, su salone de s’archeologia e de su turismu culturale abertu dae su 27 de freàrgiu a s’1 de martzu in su Palàtziu de is Cungressos de Firentze. S’assessora Portas at fintzas regordadu su resurtadu otentu in su mese de trìulas de ocannu passadu, cando s’UNESCO at agiuntu is Domus de Janas in sa lista de is Patrimònios Mundiales de s’Umanidade. Ma su motivu pro èssere presados est addopiadu, pro ite ca dae su 1997 Su Nuraxi de Barùmini puru (bidda chi, cun sa crèsia de sa Purissima, faghet parte de s’artzidiòtzesi nostra) faghet parte de su Patrimòniu Mundiale de s’Umanidade. Cun is Domus de Janas de Sardigna sunt 61 is logos italianos chi faghent parte de cussu elencu de importu.
Ma in Firentze protagonista est istada fintzas sa Fundatzione Mont’e Prama, chi at contivigiadu unos cantos apuntamentos apretziados meda dae su pùblicu: unu at pertocadu sa presentada de is progetos de chirca e de avaloramentu de su Parcu Archeològicu Naturale de su Sinis, in s’àteru imbetzes s’est faeddadu de is progetos chi amegant si fàghere in is logos gestidos dae sa Fundatzione. TourismA est un’ocasione pro unu cunfrontu de primore intra de ispetzialistas, istitutziones e entes de chirca, a prus de fàghere a connòschere is prendas nostras in Itàlia e in su mundu, at naradu Antony Muroni, presidente de sa Fundatzione Mont’e Prama.
Intra de is benes non materiales sardos chi faghent parte de s’elencu de s’Unesco ddoe sunt fintzas su Cantu a Tenore (dae su 2008), sa Faradda de li Candareri de Tàtari (dae su 2013) e su Parcu de Tepilora (dae su 2017).
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.