- Dettagli
- Domenica, 05 Maggio 2024 09:25
- Scritto da Redazione
Is sardos e is turistas dd’aprètziant meda
In custos ùrtimos annos in Sardigna amegamus de bìere una froridura noa de mùsicas, càntigos e baddos de su connotu de sa terra nostra. Una biatzesa ispantosa a beru, favorèssida dae una filera longa de cosas chi faghent a manera chi is pratzas de s’Ìsula si fùrrient a èssere, prus che totu in beranu e in s’istadiale, unu logu de festa e de cumpartzidura de iscutas praghiles.
Totu custu gràtzias a sa faina bella de is Pro Loco e de is assòtzios culturales de is biddas nostras, chi tenent sa tarea de istudiare, fàghere a connòschere e sighire a praticare espressadas corèuticu-musicales de sa traditzione sarda: cambaradas folk de baddu e de càntigu, chi contivìgiant fintzas s’istùdiu de sa bestimenta de su connotu, cambaradas chi torrant a abbiatzare formas de poesia chi fiant in arriscu de si pèrdere, is màscheras de su Carrasegare, e aici sighende.
Pro su chi pertocat is istrumentos musicales, sa nàschida de is iscolas tzìvicas de mùsica, cun maistros de giudu chi contivìgiant insegnamentos de sonos de canna (launeddas), sonu, sonetu, amegat de nde pesare una generatzione noa de sonadores, pitzocheddos e pitzocheddas chi sunt imparende is segretos de custas formas de limbàgiu.
Un’importu particulare ddu tenent fintzas is sagras, ocasiones pro fàghere apretziare is produsimentos de su logu, siat cussos eno-gastronòmicos (binu, pane, pische, petza, casu, durches, fruta, birdura, etc.), ma fintzas is produsimentos de s’artesania e de s’artesania artìstica (dae su tessìngiu a unu muntone mannu de produsimentos de istèrgiu de terra, tzeràmica, linna, ferru, prendas de oro e de prata, etc.).
Custa biatzesa apretat meda fintzas su turismu internu de sa Sardigna etotu de tale manera chi, in is annos passados – in ocasione de calicuna sagra cuncordada in is biddas de s’Artzidiòtzesi nostra puru – is Amministratziones comunales ant dèpidu parare fronte a problemas mannos de acasàgiu e de logìstica, pro more de sa tropu gente chi ddoe est curta pro nche passare una die de recreu.
Fainas profetosas, duncas, pro su connotu e pro sa butzaca, pro ite ca alligrant fintzas s’economia.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.