- Dettagli
- Domenica, 17 Maggio 2026 11:54
- Scritto da Redazione
Su Pòburu de Assisi
Sa làudi prus bella
No ddoi at làudi prus bella e segura chi siat scrita de su santu de Assisi de custa: sa làudi a Deus altu altu. In cabudanni de su 1224 su santu de Assisi dd’iat scrita e donada a su para Lioni, chi fiat amigu suu e chi dd’iat aguantada cuada po totu sa vida, finas a candu no at tentu sa possibilidadi de dda fai amparai se su Cunventu mannu de Assisi. Santu Frantziscu in cussa oratzioni ponit totu su chi tenit in coru. Para Lioni pedit a su santu unu scritu e si ddu pedit bortas medas, ma issu no scriit, poita est pedendi a Deus etotu ita scriit.
Sena s’arresputa de Deus su santu no podit scriri. Duncas, nudda si podit ponni a pinna. Ma in d-unu momentu, duus annus innantis de sa morti, pedit paperi e lapis e scriit s’oratzioni sua. Gei fiat ora! Po sciri ca cussa est scrita pròpriu de su santu, para Lioni at postu una scrita: Frantziscu duus annus innantis de sa morti cosa sua iat fatu in sa La Verna una carèsima de giaunu po sa Biada Vìrgini Maria, mamma de Deus, e de santu Miali, de su cuìndixi de austu a finas a su bintinoi de cabudanni, e in cussu tempus est arribada asusu de issu sa faina de Deus.
No est sceti unu contu, ma est sa testimonia chi is paras chi fiant cun issu ant donau po fai a cumprendi mellus su chi est acontèssiu in contu de su santu. S’oratzioni chi issu at scritu e chi parit chi non siat stètia tocada mai de àterus, apustis de sa morti sua, est totu in sa làudi de Deus, chi cumentzat diaci: Tui ses santu, Deus Sennori, chi fai cosas de spantu. Tui ses forti, ses mannu, ses artu meda; ses totupoderosu, ses Babbusantu, su rei de su celu e de sa terra.
A calincunu podint parri fueddus chi fiant fitianus po is cristianus de insaras, invècias est una manera noa de scriri, de nai, de pregai. No tocat a si-ndi scaresci chi seus in su millieduxentus, innui, mancu s’italianu est ancora postu in pei e santu Frantziscu circat de pregai e scriri in d-una lìngua noa.
Est circhendi de imperai fueddus chi totus cumprendint, totus imperant, totus narant. Po santu Frantziscu non est de importu sa forma de s’oratzioni, ma su coru de chini dda narat. In cussus fueddus non amancant, comenti narant is chi stùdiant is scritus de su santu, chi ddoi funt is torradas de su Glòria in latinu: Tu solus sanctus… solus Dòminus, solus Altìssimus…
Ma santu Frantziscu no timit a bortai in sa lìngua sua, a mudai su latinu in su chi sa genti, chi ddi fiat acanta, naràt dònnia dii. Is làaudis po Deus funt un’oratzioni funguda, chi agatat terrinu in sa spiritualidadi de sa Crèsia, in sa liturgia, in dònnia oratzioni chi sa comundadi cristiana faiat a su tempus de issu e ancoras oi.
MAC
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Le edicole chiudono: si legge di meno?
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.