- Dettagli
- Domenica, 17 Maggio 2026 11:45
- Scritto da Redazione
S’amparadori de is presoneris de Aristanis at pesau un’atòbiu in contu de is fueddus
Su seti de maju in s’àula chi tenit su nòmini de s’artista Maria Lai de Ulassa in sa Facultadi de Deretu de Casteddu ant acasagiau un’atòbiu in contu de is fueddus malus chi si narant po calincuna categoria de personis: su prus po is presoneris. Sa faina est stètia pensada candu, mesis a oi, est bessida sa nova me in is giornalis chi una truma de presoneris de sa màfia italiana fiant arribendi a Sardìnnia po mori de unu Decretu de su Guvernu.
Su pìscamu de Nùgoro e de Lanusè, munsennori Antoni Mura, si fiat pesau po nai su chi fiat acontessendi in s’interis chi giornalis e totus fiant abarraus a sa muda. E in s’atòbiu dd’at torrau a nai: Non est a nai sceti sa beridadi candu est crara, ma is giornalis e is giornalistas tenint su doveri de bogai a pillu is novas, sena de ddas cuai candu funt de importu po totus.
De innoi est cumentzau s’atòbiu postu in pei de dotori Pàulu Mocci, amparadori de is presoneris de sa provìntzia de Aristanis. Est stètiu fatu in d-unu logu de significu mannu: su logu innui stùdiant is scientis de Deretu. Ma s’atòbiu est stètiu fatu cun s’impreu de sa Facultadi de Deretu de Casteddu, cun sa Facultadi de Teologia e cun s’Òrdini de is giornalistas de Sardìnnia. Poita is fueddus funt cosa de totus e chini scriit me in is giornalis ddus depit sciri manigiai beni.
Su professori Danieli Vinci, chi tenit su cursu de Antropologia filosòfica, at scìpiu nai su chi est su fueddu candu no si sciit manigiai: unu latzu, un’acàpiu. Si podit fueddai po ghetai curpa o po amparai, ma su fueddu narat de prus. Su fueddu est comenti a unu tessìngiu chi sarvat, chi amparat, chi tenit. Sa ghia tzentrali de is chi scriint in su giornali de is Pìscamus italianus, Frantziscu Ognibene, at nau chi tocat a scidai innantis a dònnia manera de tzeracùmini in contu de sòcial o de cumandu de sa retza.
Su giornalismu, cun sa manera sua, nci arrennescit a tenni a prumu sa fatzilidadi de nai cosas chi no tenit arrèxini in sa beridadi. Mònia Melis de sa Rai Sardìnnia at contau sa manera de connosci su chi est su presoni in Sardìnnia e totu cussu chi no si sciit, comenti a su chi est stètiu fatu in Senorbì po is presoneras fèminas chi no est ancora stètiu postu in ativitadi.
Finas Maria Luisa Sechi at nau de comenti is sòcial faint sa parti insoru in custa realtadi e in custa faina. Su Pìscamu de Casteddu at nau comenti Deretu e Lìngua tenint su pròpriu tretu: s’agiudant apari, tenint is pròprius arregulas, si cumprendint apari giai de su Tempus de mesu. Un’atòbiu fungudu fatu gràtzias a su contivìgiu de s’abogau Pàulu Mocci de Aristanis e de sa professora de Casteddu, Frantzisca Cortesi.
* di Michele Antonio Corona
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Le edicole chiudono: si legge di meno?
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.