- Dettagli
- Domenica, 10 Maggio 2026 10:57
- Scritto da Redazione
Unu mese de maju prenu de fainas isportivas
Lompet a sa de deghe editziones sa manifestatzione Rotary curret chi, onni annu, abbiatzat is bighinados antigos de Aristanis. In programma pro sàbadu chi benit 16 de maju, sa die de isport tzitadinu dda cuncordat su Rotary Club aristanesu, paris cun Rotaract e Interact, cun s’agiudu de su Comune de Aristanis e cun su patrotzìniu de sa Provìntzia de Aristanis.
Su programma previdet una gara a trivas de 10 chilòmetros (tres fùrrios), una gara sena de trivas de 10 chilòmetros (tres fùrrios) e una passigiada ispassiosa de 3 chilòmetros cun custos oràrios: a is bator de merie cumentzant is iscritziones in sa ruga Dereta (in su palàtziu de is Arcais), mentras a is sete – dae pratza de Porta Manna – ant a mòvere is cambaradas de curridores-passigiadores chi ant a passare peri is bias de sa parte antiga de sa tzitade.
Ma sa die etotu, incumentzende de is bator e mesu, in pratza de Tzitade s’ant a pòdere sighire fainas de promovimentu isportivu de judo, ischerma, basket e tennis de mesa. Pro informos faghet a telefonare a is nùmeros 338.6419383 e 392.0215743 o a iscrìere a Questo indirizzo email è protetto dagli spambots. È necessario abilitare JavaScript per vederlo..
Isport bellu fintzas in Santeru chenàbura 22 de maju cun is torneos de volley e beach volley chi s’ant a fàghere in Su padru. Si previdet fintzas sa presèntzia de sa campiona de sa Natzionale italiana Alessia Orro. Una die de isport e de cumpartzidura pensada pro totus: mannos e piticos, amantiosos e curiosos. Pro informos faghet a telefonare a su nùmeru 320.4227570.
E su Primu de maju, in Crabas, ddoe ant torradu a fàghere sa Tziclopedalada de su Sinis, un’apuntamentu de isport, natura e cultura pro onni edade, pensadu pro favorèssere sa mobilidade lenta e un’istile de vida sanu. Una die intrea in ue is tziclistas, a bellu a bellu, sunt lòmpidos fintzas a Santu Giuanne: in cue ant pòdidu sighire unu cursu de educatzione istradale. In totu su caminu ddoe fiant is eco-voluntàrios, chi ant contivigiadu fainas de sensibilizatzione in contu de sa regorta seberada de s’àliga.
* di Antoni Nàtziu Garau
photo: oristanonoi.it
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.