- Dettagli
- Domenica, 26 Aprile 2026 17:21
- Scritto da Redazione
Nurachi regordat un’acontèssidu de su 1956
In unu mundu insurdadu dae is tzichìrrios malos de is gherras chi, a dolu mannu, paret chi nos pistighìngent prus pro is cunsighèntzias in su portafòlliu nostru chi no pro sa suferèntzia, su degòlliu e sa morte chi batint a chie ddoe est in mesu, àteras formas de violèntzia arriscant de non tènnere s’atentu chi ddis meresset, comente a sa violèntzia contras de is fèminas. S’Assemblea generale de is Natziones Aunidas at istabilèssidu sa de su 25 de onniasantu comente a Die internatzionale pro ispèrdere sa violèntzia contras de is fèminas, ma su Comune e sa Biblioteca comunale de Nurachi aprofitant de su ponte de su 25 de abrile pro dda regordare. Chenàbura 24 ant aparitzadu una faina bella pro regordare un’acontèssidu de una fèmina, Letìtzia Dessì, morta in Nurachi in su 1956: a pustis de 70 annos dae cussu mortòrgiu, sa comunidade nurachesa bolet apoderare biu s’ammentu e decrarare sa cundenna sua contras de custa forma de violèntzia, chi est de atualidade manna.
A pustis de s’introduida de Carla Salaris, Santina Raschiotti at isboligadu s’acontèssidu istòricu chi aiat trumbuladu sa bidda de su Campidanu de Aristanis. De agiudu est istada fintzas sa letura de una cantzone sarda formada dae 32 otavas e iscrita dae sa poeta de Ossi Chiarina Porcheddu, chi aiat contadu in poesia su chi fiat sutzèdidu. Ma s’addòbiu dd’ant arrichidu is interventos de Martina Dell’Oro, consigiera de paridade de sa Provìntzia de Aristanis, e de Francesca Marras, responsàbile de su Tzentru Antiviolèntzia de Aristanis.
Acabbadas is parlatas, in su giardinu in dae in antis de sa Biblioteca comunale ddoe ant cuncordadu unu setzidòrgiu ruju, unu sinnu de impignu contras de sa violèntzia de gènere e unu regordu de totu is fèminas vìtimas de feminitzìdiu. Un’apuntamentu bellu bòfidu dae totu sa comunidade nurachesa, una faina de responsabilidade a cumone, pro cumprèndere mègius e pro firmare custa liaga chi piessignat ancoras sa sotziedade nostra de oe.
* di Antoni Nàtziu Garau
* foto da unipd.it
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.