- Dettagli
- Domenica, 01 Marzo 2026 17:44
- Scritto da Redazione
Sa Die internatzionale de sa limba de bratzolu
Su 21 de freàrgiu amus afestadu sa Die internatzionale de sa limba mama, connota fintzas cun is etichetas de limba materna, limba de bratzolu, limba de tita. Ita est? Est sa limba de sa sotzializatzione primàrgia, sa prima aina chi una criadura intendet e imparat dae sa mama (o dae su babbu) e chi manìgiat pro iscobèrrere, connòschere, catalogare, contare su mundu, duncas pro faeddare, pro si relatare cun is àteros. Custa ricurrèntzia dd’at istabilèssida s’UNESCO in su 1999 pro su 21 de freàrgiu de onni annu, cun sa punna de amparare e avalorare totu is limbas, iscusòrgiu de identidade, de cultura e de istòria. Sa data bolet regordare una chèscia manna acontèssida in su 1952 in Dacca, capitale de su Bangladesh de oe ma chi insaras faghiat parte de su Pàkistan, cando istudiantes meda fiant mortos manifestende pro defensare sa limba mama issoro, su bangla.
Sa limba mama est una raighina naturale, ma non semper a custa raighina si dat s’abba chi ddi diat serbire. S’UNESCO contat chi su baranta pro chentu de sa populatzione mundiale chi tenet sa sorte bona de andare a iscola non gosat de s’educatzione in sa limba chi cumprendet e chi faeddat. S’imparòngiu in iscola, cumentzende dae is iscolas de sa pipiesa, diat dèpere èssere prus incluidore, comente consìgiat ocannu su tema postu dae s’agentzia de is Natziones Aunidas Is boghes de is giòvanos in contu de s’educatzione multilìngue.
Pensende a sa situatzione de is biddas e tzitades de s’Artzidiòtzesi nostra e, prus in generale, de sa Sardigna, cale est sa limba de bratzolu de is pipias e pipios sardos oe? Pro su prus est s’italianu, sende chi sunt pagas meda is famìllias chi detzident de nde pesare a is criaduras in sardu puru, cunforma a un’educatzione a duas limbas, cun su sardu e cun s’italianu. Fintzas de custu s’at a faeddare in sa festa intitulada In limba, in cantu, in ballu chi amegat de cuncordare s’Amministratzione comunale de Abbasanta pro domìnigu 1 de martzu, a is chimbe e mesu de sero.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.