- Dettagli
- Domenica, 25 Gennaio 2026 10:41
- Scritto da Redazione
Aprovada sa prima istèrrida de su Pranu nou
S’ùrtima die de su 2025 sa Giunta regionale at aprovadu sa prima istèrrida de su Pranu de polìtica linguìstica nou, chi at a acumpangiare is sèberos de is fainas pro abbiatzare is limbas de Sardigna in custa coa de legisladura. Custa aina de programmatzione dda previdet s’art. 5 de sa Lege regionale n. 22/2018.
In custas chidas s’abetat s’aprovu suo dae parte de sa de II Cummissiones de su Consìgiu regionale Traballu, Cultura e Formatzione professionale, chi at a pòdere regòllere fintzas is parres de su mundu de s’iscola e de is universidades, de is òrganos de informu, de is operadores de isportellu linguìsticu, de is entes locales e de totu is àteras categorias de tzitadinos chi tenent a coro sa sorte de sa limba nostra.
Su Pranu movet dae is resurtados de s’ùrtima chirca sotziulinguìstica fata dae sa Regione, cun s’agiudu de su Tzentru interuniversitàriu pro sa chirca didàtica de is Universidades de Casteddu e de Tàtari e fata dae is Dipartimentos de Iscièntzias polìticas e sotziales e Lìteras, Lìnguas e Benes culturales de Casteddu.
Sa chirca teniat sa punna de connòschere ite nde pensant is giòvanos de 15 annos sardos de is limbas de su repertòriu issoro. Dae s’analizu de is pregontàrios cumpilados dae 1936 istudiantes nde essit a pìgiu chi isceti s’8% de is intervistados at tentu su sardu comente a limba de bartzolu, pertzentuale chi lompet a su 18% ponende in cumbinatzione su sardu e s’italianu.
E isceti su 3,3% de is pitzocheddas decrarat de àere tentu su sardu comente a limba de tita, mentras is pitzocheddos sunt su 13%. Si is nùmeros, oe, sunt custos, ite benidore nos abetamus pro sa limba nostra?
Sa passada de su Pranu in sa II Cummissione at a permìtere, gràtzias a is osservatziones e a is propostas de megioru chi nd’ant a nàschere, chi su Servìtziu Limba e Cultura sarda, Editoria e Informu aprontet s’istèrrida definitiva de su documentu, pro ddu portare a s’aprovu de sa Giunta regionale in is chidas imbenientes.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il momento giusto per abbonarsi a L'ARBORENSE
Clicca qui per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.