- Dettagli
- Domenica, 18 Gennaio 2026 10:44
- Scritto da Redazione
Sighimus ocannu puru cun sa pàgina in sardu
Cumentzamus un’àtera annada de L’ARBORENSE, sa de 67, sighende a ofèrrere una pàgina intrea iscrita in limba sarda. Pro faeddare de ite? De temas locales (fainas sòtziu-econòmicas e culturales de is biddas de s’Artzidiòtzesi), regionales e mundiales.
E de limba etotu. Cunsiderende is consìgios bellos e is sinnales de aggradessimentu chi nos ais espressadu pro sa faina de ocannu passadu, in su 2026 puru pensamus de bos presentare una pàgina partzida in bator partes: una chi faeddat de su fermentu sòtziu-culturale de is logos nostros, donende atentu a is fainas cuncordadas dae entes locales, museos, bibliotecas comunales, assòtzios culturales, isportivos, de su tempus lìberu; una chi bolet èssere una fentana aberta cara a temas prus generales chi pertocant sa Sardigna, s’Itàlia, s’Europa, su mundu; una coròndula de novas in curtzu de interessu generale e de servìtziu; una rubrica lessicale, a bisura de unu contigheddu cun unu sètiu fintzas ispassiosu, pro chircare de parare fronte a sa chi is espertos ddi narant sa lessificatzione noa de su sardu cara a s’italianu, est a nàrrere sa remplasadura isparta de is faeddos de sa limba nostra, fintzas de cuddos de su lèssicu patrimoniale, a suta de s’ispinta de s’italianu (a bortas fintzas de s’inglesu).
Est pro cussu chi semper prus a fitianu intendimus a calicunu narende cuginu pro fradile, nebodedda pro netighedda, giùnniu pro làmpadas, setembre pro cabudanni, giallu pro grogu, okay pro eja o sissi.
Ma su de contare in sardu su chi acontesset in Sardìnnia e in su mundu agiudat fintzas a nos alfabetizare in limba, est a nàrrere a dda lèghere e, pro ite nono?, a imparare a dd’iscrìere. Ca s’iscola, mancari s’art. 4 de sa L. 482/1999 ddu previdat a manera crara, sighit a alfabetizare a is dischentes sardas/os in italianu (e in calicuna limba istràngia) isceti e no in sardu puru.
Su giornale nostru, gràtzias a s’agiudu de sa Regione Sarda (Avisu IMPRENTAS) e a s’atentu de Bois Leghidores, bolet sighire a fàghere sa parte sua.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il momento giusto per abbonarsi a L'ARBORENSE
Clicca qui per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.