- Dettagli
- Domenica, 23 Novembre 2025 11:18
- Scritto da Redazione
Regione. Essidas is graduatòrias IMPRENTAS
Imprenta est su faeddu sardu chi inditat una genia de marcu o sinnale chi abarrat ponende calicuna cosa mescamente a incarcadura; machinàrios e istabilimentu pro iscrìere libros, giornales e àteru e fintzas s’iscritura de òperas a machinàriu, comente si podet lèghere in su Ditzionàriu de sa limba e de sa cultura sarda de prof.re Mario Puddu (Condaghes).
E imprentas est su nòmene chi sa Regione, giai dae unos cantos annos, at postu a unu de is avisos chi bogat pro favorèssere s’impreu de su sardu (e de is àteras limbas de Sardigna: su catalanu, su gadduresu, su tataresu e su tabarchinu) in su campu de is mass media, de s’editoria, de su web. Fintzas custa pàgina in sardu chi L’Arborense s’oferit ònnia chida est fata cun s’agiudu de s’Avisu IMPRENTAS de sa Regione.
In is dies passadas sunt essidas is graduatòrias cun una filera longa de fainas chi s’ant a fàghere in su 2026 in giornales de paperi o in lìnia, òperas editoriales, programmas in sa ràdiu e in televisione. Ma su bandu finàntziat fintzas ràdios e televisiones chi trasmitint isceti programmas in sardu o in is àteras limbas de Sardigna.
Custu pro ite una limba comente a sa nostra, in suferèntzia pro more de s’ispinta de s’italianu, si sarvat si tenet sa visibilidade chi ddi meresset fintzas in is òrganos de informu. E, si est berus chi pro abbiatzare una limba serbint polìticas linguìsticas de giudu chi nde favoressant s’isparghidura in s’iscola, in sa Crèsia, in is tribunales, in is social, est berus puru chi onniunu de nois faeddadores podet e dèpet fàghere sa parte sua.
Comente? Faeddende-dda, faghende-dda sonare in sa vida de ònnia die, a manera normale, fintzas in is situatziones de comunicatzione formales in ue 77 annos de istòria republicana cuntemporànea nos ant fatu crèere chi esseret mègius a faeddare in italianu.
Berus est chi oe in die agiomai nemos si nde birgòngiat de faeddare in sardu, ma su caminu pro nde fàghere essire su sardu dae s’arriscu de si nche ispèrdere in tretu de pagas generatziones est longu ancoras! Sa sorte de sa limba est in is manos nostras.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.