- Dettagli
- Domenica, 28 Gennaio 2024 10:17
- Scritto da Redazione
Travessu, su primu album de Pierpaolo Vacca
Dae sa mùsica de is baddos de su connotu de bidda sua, Ovodda, e de Sardigna a is sonoridades de su mundu, cun s’agiudu de s’eletrònica. Su 19 de ghennàrgiu est essidu friscu-friscu in CD e in digitale, produidu dae Tǔk Music, su primu album musicale de Pierpaolo Vacca. E su tìtulu seberadu iscòviat deretu su naturale de custa regorta: Travessu.
S’album dd’at pensadu, sonadu e assentadu s’autore etotu, cun sa partetzipatzione de Dino Rubino, Pape Ndiaye, Nanni Gaias, Dj Cris e Fabio Calzia. In Travessu si ddoe intendet unu paru de maia fata dae s’eletrònica, in ue is sonos nostros benint a pare cun cussos de àteros logos de su mundu, comente in Camp Afro, una fùndida bene resessida intra de su ritmu de su baddu campidanesu e sonoridades africanas.
Bellu meda s’ammisturu intra de cantu a tenore, sonete e unu muntone de àteros istrumentos chi s’intendet in Tziu Soddu e chi ti-nche pigat e ti-nche tragat a largu, a unu logu chi diat pòdere èssere un’àteru paisu de su Mediterràneu etotu, o de Amèrica. Ma s’album acabbat cun su Dillu, su Ballu tzopu, su Passu torrau, su Ballu tundu e sa Dantza.
Nebode de su sonadore de launeddas Beppe Cuga, Pierpaolo Vacca at cumentzadu a istudiare su sonete e s’edade de ses annos cun maistru Peppino Deiana. At cumentzadu a sonare in festas, rassignas e prufessones a pitzocheddu. Dae su 2004 faghet parte de su grupu folk Oleri de Ovodda.
Animadu dae sa passione manna pro sa world music, at iscritu unos cantos baddos leende ispiratzione dae sa mùsica populare irlandesa e frantzesa. In su 2018 Paolo Fresu dd’at invitadu a su fèstival Time in Jazz, in ue at fatu unu cuntzertu a sa sola istravanadu, sonende su sonete ma cun s’atzunta de efetos eletrònicos.
Intra de su 2021 e su 2023 at pigadu parte a Tango Macondo, un’ispetàculu de teatru cun sa regia de Giorgio Gallione. E, dae cue, est nàschidu fintzas unu progetu discogràficu cun is boghes de Malika Ayane, Tosca e Elisa. E unu muntone de cuntzertos in Europa e in mesu mundu.
Ca s’ispìritu de Travessu custu est: raighinas bene prantadas in Sardigna, ma cun una mirada a su mundu!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Le edicole chiudono: si legge di meno?
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.