• #L'Arborense
• #ArcidiocesidiOristano
• #inlimba
• #Sardo
• #Imprentas
• #AntoniNàtziuGarau

Assòlvidu pro no àere fatu su mortòrgiu

A pustis de agiomai 33 annos de presone, cenàbura 26 de ghennàrgiu est arribada sa die de su giudìtziu: is giùighes de sa de IV Setziones penales de sa Corte de Apellu de Roma, chi si nde incurat de is protzessos de revisione in contu de is cundennas bogadas dae is Tribunales sardos, ant assòlvidu a tziu Beniaminu Zuncheddu dae s’imputu de àere fatu su mortòrgiu de Sìnnia s’8 de ghennàrgiu de su 1991.

Unu caminu giuditziàriu longu e turmentadu, su chi at connotu su pastore de Brucei, acabbadu duncas cun sa decraratzione de s’innotzèntzia sua.

In cussa die malaita de ghennàrgiu de su 1991, in Cuile is Cocus, in is montes de Sìnnia, unu (o, forsis, prus de unu) ochidore isparat a fusile contras de Gesuinu Fadda, de su fìgiu Giusepe, de s’agiudante pastore Nàtziu Pusceddu, mortos totu e is tres, e contras de Luisu Pinna, ghèneru de Gesuinu Fadda e connadu de Giusepe, chi – fertu malamente dae duas fusiladas – campat pro meràculu.

Is iscrucullos incarrerados luegos (e, oe podimus nàrrere, fatos male!) dae sa P.G. de sa Procura de sa Repùblica de Casteddu aiant portadu a imputare de cussu acontèssidu orrorosu a Beniaminu Zuncheddu, chi però s’est semper decraradu innotzente.

Gràtzias a s’aguantu, a sa firmesa e a s’atza de un’abogadu giòvanu, Màuru Trogu, e a s’intelligèntzia de sa procuradora generale de Casteddu Frantzisca Nanni (chi oe ghiat sa Procura generale de Milanu), is iscrucullos ddos ant torrados a abèrrere in su 2019.

E, prus che totu dae una filera de intertzetatziones ambientales e telefònicas ordinadas dae sa Procura de sa Repùblica casteddaja, cumentzat a nde essire a campu chi, forsis, Beniaminu Zuncheddu fiat a berus innotzente, fintzas a lòmpere a sa sentèntzia de s’àtera die. Unu traballu fatu cun cuscièntzia dae magistrados, carabineris de su R.O.N.INV. de Casteddu e de su R.I.S. de Roma, consulentes tècnicos (carabineris etotu e fònicos forenses) de sa defensa de s’imputadu e dae su peritu in contu de limba sarda nominadu dae sa Corte de Apellu chi, a pustis de annos de iscurigore, at torradu a tziu Zuncheddu sa lughe de su beranu. Mancari esseret in ghennàrgiu!

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...