- Dettagli
- Domenica, 03 Marzo 2024 10:01
- Scritto da Redazione
Totu pro more de cuddas gherras dannàrgias
Si vis pacem, para bellum, si boles sa paghe, prepara sa gherra, naraiat una sentèntzia antiga in latinu. At a èssere pro cussu chi su Parlamentu italianu, surdu a sa domanda de paghe de paba Frantziscu e de is italianos, at detzìdidu de comporare 132 carros armados Leopard 2 e àteras ainas de morte dae sa Germània, cun un’ispesa de 8 milliardos e 242 milliones in 14 annos.
A prus de is mortos e de su degòlliu in cussos logos, non bastaiat s’incarimentu de s’energia, de sa cosa de papare e totu is àteros istorbos chi amus connotu – e chi ancoras connoschimus – pro more de s’afracada militare (una faina ispetziale, ddi narat Putin) de sa Rùssia contras de s’Ucraina e chi est intrada chida passada in su de tres annos!
Non bastaiant is mortos e s’inferru – prus acanta a nois – chi est bivende sa Tira de Gaza, pro more de sa risposta crispa de Israele a s’afracada terrorìstica fata dae Hamas su 7 de santugaine a s’Istadu ebràicu, cun s’arriscu chi s’avolotu s’ispargat in totu s’Oriente de Mesu.
De badas sunt istados, pro immoe, is cunsideros sàbios chi paba Frantziscu non perdet ocasione de espressare e de torrare a espressare, est a nàrrere chi semus connoschende una gherra mundiale a buconeddos.
E, chida passada, de una cosa pagu praghile acontèssida in Pisa in una manifestatzione de istudiantes chi domandaiant sa paghe in Palestina e in su mundu, si-nd’est dèpidu incurare fintzas su Capu de s’Istadu: is Fortzas de s’Òrdine ant pistadu a corpos de manganellu a una cambarada de istudiantes chi si boliat acostire a tretos de sa tzitade proibidos pro cussa manifestatzione.
Su Presidente Sergio Mattarella at telefonadu a su ministru de is Internos Piantedosi pro ddi nàrrere chi s’autorevolesa de is Fortzas de s’Òrdine non si mesurat cun s’impreu de is manganellos, ma ponende paris su bisòngiu de seguresa cun sa libertade de sa gente de espressare in pùblicu su parre suo. S’impreu de is manganellos cun is pitzocheddos mustrat unu fallimentu.
Sa malesa de is gherras, mancari pàrgiant a tesu: suferèntzia, morte e degòlliu pro chie ddas bivet, istorbos mannos pro totus!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.