- Dettagli
- Domenica, 24 Marzo 2024 09:49
- Scritto da Redazione
Unu progetu fotogràficu de Ilènia Spanu
Comente ddu biviant is ajaios nostros su tempus de s’impringiadu de is fèminas? E cale est istadu, dae cando s’agatat sa fotografia, s’atentu de is fotògrafos pro custu momentu de importu de sa vida de una fèmina? Oe Ilènia Spanu, fotografa crabarissa, cun sa curiosidade chi piessignat a totu is fotògrafos de giudu, a custas pregontas nde ddoe atzunghet un’àtera: si aere bìvidu in su tempus passadu, ite genia de fotografa dia èssere istada? Sa fotografia at semper acumpangiadu is momentos prus de importu de sa vida nostra: cojas, batiares, festas de ònnia calidade, retratos de famìllia, ma una simana de sa vida de importu mannu pro is fèminas, pro is famìllias issoro e pro totu sa sotziedade, sa simana de s’impringiadu, fiat agiomai cuada.
Is fèminas etotu est comente si aerent unu paru de birgòngia in su fàghere bìere sa bentre manna cun sa maia de sa vida a intro e, pro cussu, si poniant semper bestimentas (camisas e gunneddas) mannas. Dae custu cunsideru naschet su progetu fotogràficu de Ilènia Spanu, chi non tenet duda peruna: si m’essere agatada in cussu tempus, dia àere fotografadu de seguru custa simana ispetziale e de intimidade corale, in ue in is intragnas de una fèmina prìngia, semper prus mannas a tenore de su tempus chi passat in antis de sa nàschida de sa criadura, pigat forma sa bellesa de sa vida.
Naschet aici s’idea de fàghere unu servìtziu fotogràficu, una fentana cara a su tempus passadu cun sa punna de avalorare a un’ala a is fèminas in custa simana de importu de sa vida issoro, a s’àtera ala s’identidade sarda e, prus a fine, sa manera de bestire de is mannos nostros.
Su progetu est partzidu in duas partes: cussa de is fotografias fatas in istùdiu e cussa de is fotografias de sa vida de ònnia die, tiradas in sa biddighedda de Santu Sarbadore, in su Sinis de Crabas. Unu progetu bellu, in ue Ilènia Spanu si podet bàllere de sa collaboratzione de Valèria Piras, chi est abetende a una criadura, de su pobiddu Micheli Urracci, de Camilla Urracci, fìgia de Valèria e de Micheli e sorrighedda de sa criadura chi depet nàschere, de Giusepe Camedda e de Istèvene Pinna.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.