- Dettagli
- Domenica, 21 Aprile 2024 09:35
- Scritto da Redazione
Sa biatzesa culturale de Fordongianus
Sa Forum Traiani antiga, oe Fordongianus, est una de is testimonias prus de importu de sa presèntzia de is Romanos in Sardigna. Oru oru de su frùmene Tirsu, nd’aiant pesadu sa bidda a inghìriu a inghìriu de Caddas, su logu in ue dae is intrànnias de sa terra nde essit una bellesa de abba callente naturale, a temperadura de unos 54 grados.
Logu de biatzesa culturale (intra de is àteros ddoe fiat nàschidu tziu Juanninu Fadda, poeta cantadore a bolu), giai dae annos meda s’Amministratzione comunale ddoe cuncordat s’Addòbiu internatzionale de iscultura in pedra bia, unu de is nòmenes chi inditant sa trachite in colore de rosa chi piessignat s’architetura de sa bidda e su paesàgiu rurale suo.
Ocannu semus traballende pro s’aparitzu de sa de trinta editziones de su Simpòsiu de iscultura, narat su sìndigu Serafino Pischedda. Un’ocasione de importu chi, ònnia annu, ponet paris e faghet cunfrontare artistas picapedreris sardos cun artistas istràngios e chi faghet arribare a bidda mìgias e mìgias persones, curiosas de bìere is òperas de arte in su faghimentu issoro.
Acontesset ancoras a fitianu, faghende traballos pùblicos o privados, chi dae a suta de terra nde essant is rastros (fàbbricos betzos, mosàicos, e aici sighende) de sa presèntzia antiga de s’òmine. Una bidda chi, gràtzias a sa gestione intelligente contivigiada dae sa cooperativa Forum Traiani, ghiada dae Pina Vacca, mustrat a is turistas sardos e a cussos furisteris unu muntone mannu de cosas bellas: dae is Termas romanas de Caddas, a sa crèsia de Santu Lussùrgiu, dae sa Domo aragonesa a is Bàngios, unu fàbbricu de su 1.800.
Su beranu e s’istadiale sunt is istajones mègius pro gosare de custos logos. E, difatis, Fordongianus amegant giai de dd’abbiatzare dosinas de postales de gente: dischentes de is iscolas sardas e cambaradas de turistas de ònnia genia.
Unu logu bellu pro sa cultura, ma fintzas pro sa salude, gràtzias a is servìtzios chi oferit su Sardegna Grand Hotel Terme. Àteros informos in https://www.forumtraiani.it/ e in https://www.termesardegna.it/.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.