- Dettagli
- Domenica, 09 Giugno 2024 12:15
- Scritto da Redazione
Est s’ùnicu museu sardu dedicadu a su ràmene
Su cunventu betzu de is paras Iscolòpios, unu fràigu de su de XVII sèculos, acasàgiat in Ìsili su MARATÈ, acrònimu chi inditat su Museu pro s’Arte de su Ràmene e de su Tessìngiu. A s’imbesse de su chi podet pàrrere leghende su nòmene originale e curiosu de custu museu, chi si presentat cun bisura e sonu chi parent furisteris, cussu logu mustrat imbetzes is ainas e contat is segretos de s’arte de traballare su ràmene e de su tessìngiu, acapiadas a istrintu a s’economia de sa laurera e de sa pesamenta de su bestiàmene de custa bidda bella de Sarcidanu.
Su Maratè est partzidu in tres setziones: cussa etnogràfica, cussa artìstica e cussa de su ràmene (ùnicu museu dedicadu a custu metallu in s’Ìsula nostra). Dae is butegas de is ramenajos isilesos is trastos e s’istèrgiu de ràmene lompiant cun is carros de is bendijolos a ònnia pratza de Sardigna: ainas e istèrgios chi serbiant pro sa vida e su traballu de ònnia die, in domo e in su sartu, ma chi fiant fintzas òperas de arte cun valore estèticu artu.
Si ddoe agatat documentadu fintzas su limbàgiu particulare de custos artesanos, s’arromanisca o arbaresca, chi cun unu sistema fonèticu e morfusintàticu de su sardu, presentat imbetzes unu lèssicu particulare, cun faeddos comente a trionfa (petza), folliosa (dinari a billetes de paperi), alluscari (castiare), santosa (crèsia), gaùttu (pitzocu), béngis (diàulu), tïasu (casu), dóssu (porcu), grèbbis (sale), etc.
In sa setzione de su tessìngiu artìsticu si ddoe podent bìere trinta aratzos chi sunt su resurtadu de una chirca chi imprassat duos sèculos de su connotu isilesu e in ue si podent cumprèndere is assimìgios e is diferèntzias cun is produsimentos de su tessìngiu de àteros logos de Sardigna.
De sa gestione de su museu si-nde incurat sa Sotziedade cooperativa Sa Frontissa, chi contivìgiat fintzas sa gestione e s’avaloramentu de su Nuraghe Is Paras.
Su personale espertu cuncordat laboratòrios didàticos de tessìngiu pro is iscolas e fainas pro is turistas chi bolent bisitare Ìsili e su Sarcidanu.
Àteros informos s’agatant in s’indiritzu Internet www.marate.it
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.