- Dettagli
- Domenica, 28 Luglio 2024 11:47
- Scritto da Redazione
Unu paru de museu in logu abertu in Barigadu
Su sartu piessignadu dae sa presèntzia de sa diga noa Lionora de Arbaree e dae su Lagu Omodeo, sa bidda un’iscusòrgiu de logos istòricos e prendas de su connotu totu de bìere. Custa est Busache, una bidda de Barigadu, fraigada pro su prus cun pedra bia (sa trachite arrubiàstica, in colore de rosa), 1131 bividores ligados meda a is traditziones issoro pro su chi pertocat is festas, sa bestimenta antiga, s’enogastronomia.
A prus de sa crèsia parrochiale intitulada a Santu Antoni, fraigada in istile gòticu-aragonesu, de sa crèsia de Santu Bernardinu, chi s’agatat in Busache de Giosso, in monte ddoe est sa crèsia de Santa Susanna, ma ddoe sunt fintzas is crèsias betzas de Nostra Sennora de is Gràtzias (isderrocada, in Collègiu) e sa crèsia de Santu Domìnigu, chi però non s’impreat prus pro funtziones religiosas.
Immoe acasàgiat is pannellos chi sunt una còpia de is pinturas de Sa coja busachesa de Filippo Figari (is originales s’agatant in Casteddu) e una mustra fotogràfica permanente in contu de sa bìsita chi su filòlogu e linguista Ugo Pellis aiat fatu in Sardigna intra de su 1932 e su 1935. In Collègiu, imbetzes, amegant de ddoe cuncordare is salas noas de su Museu de sa bestimenta de su connotu e de su linu.
Ma sa beridade est chi Busache est unu paru de museu in logu abertu, unu museu chi bivet, gràtzias a is busachesas e busachesos meda chi, ancoras oe in die, si ponent a manera naturale sa bestimenta de su connotu (sa chi, a dolu mannu, sardos meda ddi narant su costùmene).
Paris cun s’Amministratzione comunale de Busache, sa biatzesa culturale de custa bidda dd’assegurat una cambarada manna de assòtzios culturales, dae sa Pro Loco Cunventu (chi, intra de is àteras cosas, cuncordat Busache e is colores suos, sa rassigna regionale de su folklore e su carrasegare de istadiale) a su Coro polifònicu feminile Su nènnere (chi in su mese de làmpadas cuncordat sa Festa de su nènnere) a cussu de is òmines Santa Susanna, dae su Grupu folk Busache bella mia a s’Assòtziu culturale Collègiu (chi onni annu cuncordat sa Sagra de su sucu). Informos prus a fine s’agatant in Internet.
Antoni Nàtziu Garau
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.