- Dettagli
- Domenica, 22 Settembre 2024 10:59
- Scritto da Redazione
Arborea. Acasagiadu in su molinu betzu
Su molinu betzu de Arborea acasàgiat oe su Museu de sa Bonìfica, connotu fintzas cun s’acrònimu MUBA. Su fràigu est un’esempru de archeologia industriale in ue ddoe sunt regortos e mustrados documentos e materiales chi pertocant s’istòria de sa bonìfica de su sartu de Arborea.
Su molinu, in ue si ddoe podent bìere ancoras unos cantos machinàrios impreados pro mòlere su trigu, rapresentat paris cun su silo, cun s’enopòliu e cun su caseifìtziu su coro de is fainas industriales contivigiadas dae sa Sotziedade pro is Bonìficas Sardas, sa S.B.S.
In su pranu terrenu de su MUBA ddoe est sa setzione istòrica, chi contat totu su traballu turmentosu de sa bonìfica de cussas terras e sa nàschida de Arborea, fundada in is Binti annos de su Fascismu e chi in su 1928 dd’aiant postu su nòmene de Villaggio Mussolini. Dae su 1930 a su 1944 su nòmene fiat mudadu in Mussolìnia de Sardigna e, dae su 1944, aiat pigadu su de Arborea, regordende su giuigadu antigu gloriosu.
Pannellos de ispiegatzione, fotografias e audioguidas in bator limbas acumpàngiant a su bisitadore in custa iscoberta. Unu plàsticu multimediale e una mesa touch screen cun 800 fotografias istòricas de s’archìviu de sa S.B.S. contant su traballu ispantosu fatu dae s’òmine pro mudare cussas terras de istànios e paules in terras saliosas, bellas pro sa laurera e pro su produsimentu de foràgiu.
In su primu pranu, imbetzes, in sa sala de is projetziones, si ddoe podent bìere is filmados antigos de propaganda e is ripresas aèreas fatas in su 2011.
Ma in s’ùrtimu pranu si ddoe podet bisitare fintzas sa setzione archeològica, cun una regorta de istèrgiu e trastos antigos agatados cando fiant faghende is fainas de sa bonìfica o in campànnias de iscavu fatas a pustis: is corredos de is tumbas de sa necròpoli de S’Ungroni o is àteros trastos agatados in su 2006 e 2007 acanta de su putzu sagradu de Orri, cun testimonias de sa simana nuraghesa, pùnica e romana.
Pro àteros informos in contu de is dies de abertura pro su pùblicu faghet a bisitare sa pàgina Internet in s’indiritzu www.museoarborea.it (tel. 0783/802005).
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.