- Dettagli
- Domenica, 29 Settembre 2024 10:56
- Scritto da Redazione
Is Dies Europeas de su Patrimòniu in Atzara
Su MAMA (Museu de Arte Moderna e Cuntemporànea) Antonio Ortiz Echagüe de Atzara, sàbadu 28 de cabudanni, de is deghe de mangianu a is ses de merie, acasàgiat su Tzeràmica_Lab contivigiadu dae is artistas Pina Monne e Mario Casu. Sa faina faghet parte de is Dies Europeas de su Patrimòniu cuncordadas dae su Ministeru de sa Cultura.
At a èssere unu laboratòriu de tzeràmica artìstica chi at a interessare fintzas a is dischentes de s’Istitutu cumprensivu de Atzara e in ue is bisitadores ant a pòdere bìere comente naschet un’òpera, dae su traballu de s’arghidda a sa coghidura. Is òperas criadas ant a fàghere parte de sa regorta permanente de is tzeràmicas artìsticas de su museu de sa bidda de Mandrolisai.
Su tìtulu seberadu pro ocannu est Patrimòniu in caminu, chi naschet dae s’islogan Routes, Networks and Connections istabilèssidu dae su Consìgiu de Europa e cumpartzidu dae is paisos chi pigant parte a custa manifestatzione internatzionale. S’invitu est a meledare in contu de bias, àndalas, retzas, ligòngios chi ponent in comunicatzione pòpulos e culturas e chi ant agiudadu, cun su cùrrere de su tempus, a formare s’identidade culturale nostra.
Su laboratòriu est abertu a totus, mannos e pipios, chi cun sa ghia de is maistros tzeramistas Pina Monne e Mario Casu ant a pòdere iscobèrrere is segretos de su manìgiu de s’arghidda e comente totu si traballat cun su turnu pro nde fàghere brocas, màrigas, tianeddas, pratos, istàtuas e figuras de ònnia genia.
Su museu, ghiadu dae Cinzia Littera, at a abarrare abertu a totu die pro su pùblicu e pro is turistas chi bolent connòschere sa maia de su faghimentu de s’istèrgiu de terra e de sa tzeràmica artìstica. Pina Monne, artista irgolesa, est connota meda in Sardigna e in continente pro is òperas suas: pinturas, murales e tzeràmicas artìsticas.
Mario Casu puru est un’artista baroniesu, de Thiniscole, rapresentante de sa de tres generatziones de sa famìllia sua chi traballat s’arghidda.
Àteros informos in contu de su laboratòriu s’agatant in s’indiritzu www.museoatzara.com Ma faghet fintzas a telefonare a su nùmeru 347.7983242.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.